WAN - Li navenda Wanê û navçeyên wê ji ber berfê rêya 493 tax û gundan hatin girtin.
Li Wanê ji ber berfa zêde bariyayî rêyên 493 tax û gundan hatin girtin. Ji ber berfê rêyên sereke yên navenda bajar gelek cade hatin girtin û trafîk bi zor û zehmet dimeşe. Xebatkarên şaredariyê jî xebatên xwe yên xwêkirina rêyan û paqijiyê didomînin. Ji ber berfa zêde li navçeya Miksê rêya 92 gundan, li Elbakê ya 31 gundan, li Şaxê rêya 100 gundan, li Artemêtanê rêya 4 gundan, li Erdîşê rêya 8 gundan, li Westanê rêya 40 gundan, li Payîzavayê rêya 39 gundan, li Rêya Armûşe rêya 19 gundan, li Bêgiriyê rêya 37 gundan, li Qelqeliyê rêya 33 gundan, li Seravê rêya 12 gundan û li Tuşbayê jî rêya 35 gundan hatin girtin. Di heman demê de ji ber berfê û cemedgirtina erd, ji bo rojekê navber dan perwerdeyê.