Şaredariya Silopiya (Silopiya) ya Şirnexê ya Partiya Wekhevî û Demokrasiyê ya Gelan (DEM Partî), piştgiriya xwe ya ji bo malbatên hewcedar didomîne. Yekîneya Polîtîkayên Jinê ya Şaredariyê di sala 2021’an de Dikana Hevgirtina Jinan a Hêvî ava kir. Tîma dikanê ya ji 10 jinan pêk tê li tevahiya bajêr lêkolînek rû bi rû pêk anî û 5 hezar malbat ziyaret kirin. Dikanê heta niha di warê kincan û eşyayên spî de piştgiriya 2 malbatan kiriye.

 

 

Berpirsa dikanê Ceylan Denîzê der barê kar de got ku esnafên bajêr kedeke cidî dane dikanê lê têrê nake. Ceylan Denîzê diyar kir ku ji bo hewcedariyên malbatên zêdetir bên bicihanîn divê alîkariya dikanê bê kirin û wiha got: "Di sala 2021'ê de gelek esnafên me bexş kirin. Di demên pêş de jî esnafan di navberê de bexş kirin. Hîn jî gelek kêmasiyên me hene. Gelek hewcedariyên malbatên hewcedar hene, piştî demekê me di warê 4 parçeyan de alîkarî kir; kinc, eşyayên spî, amûrên malê..."

 

BANGAWAZÎ

 

Ceylan Denîzê da zanîn ku di çarçoveya kampanyaya şaredariyê ya bi navê "Bila Zarok Necemidin" de ji bo hezar zarokan di warê qoçik û pêlavan de alîkarî kirine. Ceylan Denîzê ji bo hîn bêtir bigihîjin malbatan banga "alîkariya ji bo dikanê" kir.