Hejmara 274’emîn a rojnameya Xwebûnê bi manşeta “Newroza Rêbertiya Azad” gihişt ber destê xwînerên xwe. Di vê hejmarê de rojnameyê pîrozbahiyên Newrozê yên li Kurdistan û Tirkiyeyê derxist pêş. Rojnameyê di rûpela rojevê de cih da nivîsa Felemez Ulug a bi sernavê “Dema guherîn û veguherînê” û li ser peyama Rêberê Gelê Kurd Abdullah Ocalan rawestiya. Dîsa rojnameyê di rûpela rojevê de cih da nivîsa Sorgul Şêxo ya “Sûriye ber bi şerekî mezhebî ve diçe” û li ser êrişên dawî yên li dijî Elewiyan sekinî. 

 

Di rûpela hevpeyvînê de jî rojnameyê cih da nirxandinên Hevserokê Giştî yê Partiya Demokratîk a Gelan (HDP) Cahît Kirkazak û li ser erk û berpirsiyariya  Tirkiyeyê ya li dijî banga dîrokî ya Abdullah sekinî.