AMED - Newroza Azadiyê ya Amedê bi beşdariya sed hezaran kesan, bi deqeyek rêzgirtinê ya ji bo kesên di têkoşîna azadî û demokrasiyê de jiyana xwe ji dest dane dest pê kir.
Li Parka Newrozê ya navçeya Rezanê ya Amedê bi dirûşma “Rêbertiya Azad Civaka Demokratîk" pîrozbahiya Newrozê tê lidarxistin. Piraniya beşdaran jin û ciwan in. Ji saetên zû yên serê sibehê ve bi deh hezaran kesan berê xwe dan qada Newrozê. Hêj niha jî bi deh hezaran kes ji bo têketina qadê li noqteyên kontrolê li bendê ne.
Coşa li qadê her ku diçe zêde dibe. Herikîna gel a ber bi qadê ve didome û bernameya Newrozê dest pê kir. Li ser dikê cejna Newrozê ya hemû gelan hate pîrozkirin. Piştre jî ji bo kesên di têkoşîna azadiyê û demokrasiyê de jiyana xwe ji dest dane deqeyek rêz hate girtin. Di vê navberê de qad bi dirûşma "Bijî Serok Apo" olan da.
BAL KIŞANDIN SER AŞTÎ Û AZADIYÊ
Li ser navê Komîteya Amadekar a Newrozê Gulşen Ozer axivî û Kemal Kurkut û kesên di Newrozan de bedenên xwe şewitandibûn bi bîr anî. Gulşen Ozer, got: “Em agirê Newrozê ji bo azadî û aştiyê vêdixin. Di şexsê birêz Abdullah Ocalan de silavan ji hemû girtiyan re dişînin.”