ŞIRNEX - Kujerê Sakîne Kultur a li navçeya Silopiyayê bi îşkenceyê hate qetilkirin, Serokê Ocaxên Tevgera Taybet a Şirnexê Îbrahîm Barkin hate girtin

 

Li navçeya Silopiya ya Şirnexê, jina bi navê Sakîne Kultur bi îşkenceyê hatibû kuştin û cenazeyê wê danîbûn qerexê rê. Di çarçoveya lêpirsîna ku derbarê kuştina Kultur de hatibû vekirin de Serokê Ocaxên Tevgera Taybet a Şirnexê Îbrahîm Barkin, Yûnûs Kultur û Haci Kultur hatibûn binçavkirin. Her sê kesên ku sewqî edliyeyê hatibûn kirin, piştî kirariyên dozgeriyê bi daxwaza girtinê sewqî dadgehê hatin kirin. 

 

Serokê Ocaxên Tevgera Taybet a Şirnexê Îbrahîm Barkin ê derket pêşberî dadgerî îtîraf kir ku Sakîne Kultur bi îşkenceyê qetil kiriye. Kujerê Kulturê Îbrahîm Barkin, hate girtin û şandin girtîgehê. 

Yûnûs Kultur û Haci Kultur jî bi şertê kontrola edlî hatin berdan.