ENQERE - Li Lijneya Giştî ya Meclîsa Tirkiye dê sibê hilbijartina Serokatiya Meclîsê pêk bê. Namzeta Serokatiya Meclîsê ya HDP'ê û parlamentera HDP'ê ya Colemêrgê Selma Irmak ji ber girtî ye dê di hilbijartinê de ne amade be.
Lijneya Meclisa Mezin a Tirkiye (TBMM) sibê hilbijratina Serokatiya Meclîsê ya Dewreya 2'emîn a Serdema 26'an pêk tîne. Namzetên 4 partiyên li meclîsê dê têkevin hilbijartinê. HDP'ê jî parlamentera HDP'ê ya Colemêrge Selma Irmak ku niha li Girtîgeha Silivrî girtî ye namzet nîşan dabû. Selma Irmak ji ber girtî ye dê sibê dengê xwe navêje. Dîsa Hevserokê Giştî yê HDP'ê Selahattin Demirtaş û 6 wekilên HDP'ê yên girtî û parlamenterê CHP'ê Enis Berberoglu ji ber girtî ne dê dengê xwe navêjin sindoqê. Sibê dê namzetê AKP'ê û Serokê Meclîsê yê berê Îsmail Kahraman, Wekîlê AKP'ê yê Edeneyê Tamer Dagli, Parlamenterê CHP'ê yê Îzmirê Zekeriya Temizel, Parlamentera HDP'ê ya Colemêrgê Selma Irmak, Parlamenterê MHP'ê yê Stenbolê Celal Adan û Parlamenterê serbixwe yê Qayserî Yusuf Halaçoglu dê têkevin pêşbirgê.