Hilberînerên mişmişan ku îsal qeşayê li mişmişê wan da û bi mexdûriyeteke mezin re rû bi rû ne, daxwaz kirin ku li gorî tapoyan tespîta xesara wan bê kirin, deynê wan bêfaîz bê taloqkirin, ji bo ketana çandiniyê OTV û KDV bê rakirin û banga piştgiriyê kirin.
Nûnerên jin ên partiyên siyasî, diyar kirin ku dê di 1'ê Gulanê de daxwazên xwe yên li dijî betalî, kedxwarî, şer û binpêkirinên mafan ên li girtîgehan bînin ziman û gotin: "Ji Newroza bihara gelan, ber bi bihara karkeran 1'ê Gulanê ve."
Rêxistina HDP’a Mêrsînê û Rêxistina DBP’a Wanê banga tevlibûna 1’ê Gulanê Cejna Karkeran kirin û got divê her kes li dijî şer û mêtingeriyê helwesta xwe nîşan bide.
Li Şirnexê di Kana Komirê ya Jimara 6’an de di qezaya kar de ku rûda, karkerek jiyana xwe ji dest da.
Berdevkê Demê yê KESK’a Amedê Sîraç Çelîk diyar kir ku ew ê li dijî şer û mêtingeriyê li qadan bin û ew ê peyamên ku bi milyonan kesî di Newrozê de da dê li qadên 1’ê Gulanê jî van peyaman bidin.
Nûnerên ode, sendîka û partiyên siyasî yên li Wanê destnîşan kirin ku polîtîkaya derve ya desthilatê xizaniyê kûrtir kiriye û gotin, dê 1'ê Gulanê bi ruhekî dijberî şer pîroz bikin.
Li Semsûrê cotkarên ku dest mi haziriya çandina tûtinê kirine, diyar kirin ku hikûmet bi qanûna ku derxistiye pişta cotkaran şikandiye û xwestin dawî li kooperatîfvaniyê bê.
Serokê Genel-Îş'a Mêrsînê Kemal Goksoy, diyar kir ku dê di 1'ê Gulanê de li Mêrsînê daxwazên xwe bi meşekê bînin ziman û got: "Ev pergal wisa nabe, werin em bi hev re biguherînin."
Hevserokê HDP’a Wanê Fîkret Dogan diyar kir ku wê coşa Newrozê û 8’ê Adarê veguhêzin qada Mîtînga 1’ê Gulanê û bang li gel kir ku li dijî “faşîzmê” têbikoşin.
Rêveberên HDK’ê û HDP’ê di çarçoveya xebatên 1’ê Gulanê de li navçeya Esenyûrdê meş li dar xistin û xelkê vexwendin mitînga 1’ê Gulanê.
Sewalvan Yûsûf Solak ku got fiyeta lîtreya avê bi 8 TL û ya şîr bi 5 TL'yan e û sewalvanî li ber qedandinê ye, ji lew re 45 hezar TL mesref kiriye lê 12 hezar TL bi dest ketiye.
Li Meletiyê hilberînerên mişmişan bandor ji sermayê girtin. Cotkaran xwest herêm wekî "Herêma Afetê" bê îlankirin û deynên wan bêfaîz bên taloqkirin.
Li Enqere, Îzmîr û Wanê bernameyên mîtîngên 1’ê Gulanê hatin aşkere kirin. Li her 3 bajaran jî ji bo tevlîbûna mîtîngan bang hate kirin û wiha hate gotin: “Têkoşîna me wê vê pergalê biguherîne.”
Parlamentera HDP’ê Zuleyha Gulum bertek nîşanî êrişa polîsan a li ser daxuyaniya 1’ê Gulanê da û wiha got: “Hûn çiqas êriş dikin bikin lê dîsa jî dê li her devera Tirkiyeyê 1’ê Gulan bi tevlibûneke xurt were pîrozkirin.”
KESK’a Amedê çalakiya heftane ya ji bo ku endamên wan vegerin karê xwe li dar xist û xwest pêkanînên li ser hevalên wan bi dawî bibin û vegerin karên xwe.