Dewleta Almanyayê dê ciwanê kurd Bulent Çelîk ku ji ber zextên siyasî ji Tirkiyeyê koç kiribû, dersînor bike. Hat zanîn ku Çelîk li balafirgehê tê sekinandin û rayedar dixwazin ku Çelîk bişînin Tirkiyeyê.
Serokkomarê Îsraîlê Îsaac Herzog xwe amade dike ku serdana Tirkiyeyê bike.
Dadgeha Federal namzetiya Hoşyar Zêbarî yê PDK'yî betal kir.
Berdevkê Înîsiyatîfa li Kurdistanê Aştî Stephen Smellie diyar kir ku Tirkiye, DAIŞ’ê li dijî hêzên kurd bi kar tîne û wiha got: “Divê dewletên navneteweyî barê DAIŞ’ê tenê li ser milê kurdan nehêlin û ji bo darizandina wan, hemwelatiyên xwe bibin.”
Parlamenterê Iraqî Arîf Hemamî da zanîn ku ji mudaxaleyên derve, parlamentoyê nekarî bicive û di vê mijarê de tiliya Tirkiyeyê heye. Hemamî diyar kir ku li Iraqê hinek aliyên siyasî hene ku alîkariyê bi Tirkiyeyê re dikin.
Dihat payîn ku hilbijartina serokomariyê ya Iraqê îro bihata kirin. Lê ji ber ku piraniya parlamenteran amade nebûn, hilbijartin bo demekî nediyar hat taloqkirin.
Dadgeha Federal a Iraqê, namzetiya namzetê PDK'ê yê Serokomariya Iraqê Hoşyar Zêbarî da sekinandin.
Serokê DYA'yê Joe Bîden têkildarî kuştina Ebû Îbrahîm el Haşîmî el Qureyşî yê DAIŞ'î de axivî. Bîden, diyar kir ku wan û Hêzên Sûriyeya Demokratîk bi hevkarî ev operasyon kiriye.
Daîreya Enformasyona Ewlekariyê ya Iraqê da zanîn ku di encama êrişa hewayî de li Mûsilê 5 DAIŞ’î hatine kuştin.
Damezrînerê Wikileaksê Julian Assange ku li Îngilistanê girtî ye, ji ber têkoşîna xwe ya mafê mirovan, demokrasî û azadiya çapameniyê ji bo Xelata Aştiyê ya Nobelê namzet hat nîşandan
Parlamantera Baskê Oihana Etxebarrieta, diyar kir ku Parlamentoya Baskê amadekariyên naskirina Rêveberiya Xweser dike û ev tişt got: "Divê di zûtirîn demê de Rêveberiya Xweser bi awayekî sazûmanî were naskirin da ku çeteyên DAIŞ’ê di dadgeheke navneteweyî de bên darizandin."
Wezîrê Karên Derve yê Rûsyayê Sergey Lavrov têkildarî mijara Ukraynayê wiha got: “Heke ku ev mijar girêdayî me be, şer dernakeve. Em şer naxwazin.”
Li gorî medya Iraqê ku xwe dispêre çavkaniyeke ewlekariyê serê sibehê êrişeke berfireh a bi mûşekan li dijî balafirxaneya navnetewî ya li Bexdayê pêk hatiye.
Serokê Amerîkayê Joe Biden, diyar kir ku heke Ûkrayna bê dagirkirin wê rast e rast danekirinan deyne ser Serokdewletê Rûsyayê Vlademîr Pûtîn.
Serokkomarê Ermenistanê Armen Sarkisyan, ragihand ku îstîfa kiriye.