Şewatên daristanan ên piştî operasyona leşkerî li Dersimê rû dan, ji şevê din ve belavî çar aliyên bajêr dibe. Şewatên heyî li herêma Ahpanos a navçeya Pulur, herêmên Geliyê Roj, Harsî, Arekî û Zargovît berdewam dikin. Şewata li qada bi sedan hektar erd didome, belav dibe. Îro jî li cihê Pîlvenk a girêdayî navenda bajêr şewatê rû da. 

 

BI OPERASYONAN RE MAZGÊRD JÎ DIŞEWITE 

 

Li aliyê din, duh bi şev li navçeya Mazgêrda Dersimê, di encama operasyonê de  li herêmên Kale û Geban şewat derket. Hat diyar kirin ku şewat heya  gundê Kale hatiye û ji ber operasyonê, ji bo ketin û derketina gundiyan destûr nayê dayîn.

 

SEROKÊ ŞAREDARIYÊ: LEŞKER DESTÛR NADIN

 

Serokê Şaredariya Mazgêrdê Tekîn Turkel, diyar kir ku operayona leşkerî berdewam dike û got: “Şewat heya gundê Kale hatiye. Me mûdaxileyê agir kir ku  ne peke nava gund. Lê li herêmên cuda her  ku diçe şewat berfireh dibe. Leşker destûrê nadin em şewatê vemirînin.”