MÊRDÎN - Cenazeyê endamê HPG’ê Taner Ogmen ê li navçeya Kerboranê jiyana xwe ji dest dabû, radestî malbatê hate kirin.
Hate zanîn ku yek ji kesê di êrişa hewayî ya duh li navçeya Kerboran a Mêrdînê hate kirin de jiyana xwe ji dest daye, endamê HPG’ê Taner Ogmen (Herekol Şiyar) e. Malbata wî ya ku agahî bidestxist ji navçeya Gever a Colemêrgê hate Mêrdînê, cenazeyê li morgê dihate rawestandin teşhîs kir.
Cenazeyê Ogmen piştî karûbarên dozgeriyê radestî malbatê hate kirin. Malbata ku cenazeyê kurê xwe ji morga Nexweşxaneya Lêkolîn û Perwerdehiyê ya Mêrdînê wergirt, ber bi Geverê ve bi rê ket.