ENQERE - Girtiya nexweş Ozge Ozbek a ku berdana wê 6 mehan hatibû taloqkirin û ji bo dermankirinê hat berdan û got: “Ez hêvîdar im wê hemû girtiyên siyasî azad bibin.”

 

Girtiya nexweş Ozge Ozbek a ku Saziya Tiba Edlî (ATK) berdana wê 6 mehan taloq kiribû, ji Girtîgeha Jinan a Sîncanê hat berdan.

 

Di mêjiyê Ozge Ozbek de ûr heye. Di 27ê Cotmeha 2020an de ji ber vê nexweşiyê hatibû emeliyatkirin. Lê li tavilê hatibû girtin. Tevî ku rapora nexweşxaneyê ya “şertên wê ne li gorî mayîna girtîgehê ye” jî dîsa nedihat berdan. Di girtîgehê de gelek caran nexweş diket û rewşa wê giran dibû.

 

Rêveberên DEM Partiya Enqereyê, parêzeran Ozge Ozbek li ber hepsê pêşwazî kir û çîçek danê. Ozge Ozbek kurt axivî û got: “Ez hêvîdarim tenê ne çend girtî bila hemû girtî azad bibin. Ez hatim berdan jî lê nekêfxweş im, çimkî girtîgeh tije girtî ne. Ez dixwazim hemû girtiyên siyasî tavilê azad bibin. Silav ji her kesî re.”