Meclisa Jinan a DEM Partiyê şolena jinan pêk anîn. Berdevka Meclisa Jinan a DEM Partiyê Halîde Turkoglu di şolenê de axivî û diyar kir ku divê li her qada jiyanê parastina cewherî bê rêxistinkirin û got ew di têkoşînê de bi israrin, çareserî bi jinan re ye.
Li navçeya Cizîrê fûara “jinên hilberîner qezenc dikin” hate avakirin.
M.P a ji ber gefa kuştinê ya zilamê ku pê re hatibû asta dest jê berdanê ji qereqola çûye jê xwest ku polîsek wê biparêze. Lê belê vê carê jî polîsê ku ew diparast, ew tacîz kir.
Derbarê kesên qetilkirina Pakistan Demîrê li Kerboranê protesto kiribûn de doz hatibû vekirin. Di dozê de biryara beraetê hate dayîn.
Doza biryarê ya Şervan Gulel ê Hasret Tûtalê qetil kiriye, hate taloqkirin. Bavê faîlê ê şahidê bûyerê ku derbarê wî de biryara anîna bi darê zorê heye, tev li danişînê nebû.
Jina bi navê H.V. ku li Dutaxê ji hêla cîranên xwe yên hewl didan wê tacîz bikin ve hatibû derbkirin, banga piştevaniyê li rêxistinên jinan û parastvanên mafên mirovan kir.
Ji bo bibîranîna akademîsyen û rojnameger Nagihan Akarsel ku li Silêmaniyeyê hatibû qetilkirin dê li Stenbolê roja îmzeyê ya pirtûka wê “Bêhna Gulê” were lidarxistin.
Duyemîn Konferansa Akademiya Jineolojiyê ya Bakur Rojhilatê Sûriyeyê bi dirûşma “Zanatiya jinan, bi jineolojiyê nûjen dibe” hat lidarxistin. Konferans, bi dirûşma “Jin, jiyan, azadî” bi dawî bû.
Derheqê kesên qetilkirina Pakistan Demîr protesto kiribûn de doz hatibû vekirin. Dozgeriyê, beriya danişîna biryarê mutalaa da û xwest endamên malbatê û jin bên cezakirin.
Ji Kovara Jineolojiyê Rojda Yildiz diyar kir ku îktîdar ji hêla bîrdoziyê ve herî zêde êrişî jinan dike û got ku wan di komxebata xwe de li ser rêbazên têkoşîna hevpar nîqaş kirine.
Parastvana mafên jinan Ruya Kûrtûlûş anî ziman ku polîtîkaya malbata pîroz a AKP ji zilam re qada nû ya tundiyê ava dike û diyar kir ku divê li dijî vê rewşê têkoşîn were dayîn.
Li navçeya Yûnûsemreyê Selda Eller ji aliyê Gokhan Eller ê pê re di asta dest ji hev berdanê de bû ve hate qetilkirin.
Berdevka Meclisa Jinan a DEM Partiyê Halîde Turkoglû destnîşan kir ku wan di konferansa li Enqereyê li dar xistine de ji bo 12 herêman biryara rêxistinbûnê dane û wiha got: “Em rêxistinbûnê weke xweparastinê dibînin. Ji bo jiyaneke azad û wekhev bingehîn rêxistinbûn e.”
Endama Lijneya Weşanê ya Kovara Jineolojiyê Rojda Yildiz axaftina girtinê ya komxebata jineolojiyê kir û wiha got: “Di van du rojan de me vê yekê baş dît ku têkoşîn pir zindî ye, baweriya jinan a ji bo paşerojê pir zindî ye. Di cîhanekî nû de hêviya me ya jiyanekî azad û wekhev heye.”
Komxebata Kovara Jineolojiyê ya “Li dijî pergala mêrsê serdet a di sedsala 21’emîn de polîtîka û rêbazên têkoşîne” di roja duyemîn de bi rûniştinên cuda didome.