Berdevka TJK-E’yê Ayten Kaplan diyar kir ku ji bo azadiya fizîkî ya Abdullah Ocalan û li dijî şerê li dijî kurdan ew ê bi KE'yê re bicivin û ew ê li ser vê bingehê bi saziyên jinan ên li Ewropa, Asya û Rojhilata Navîn re jî li hev bicivin.
Kampanyaya “Ji darvekirinê re na” ku ji bo piştevaniya bi rojnamevan û aktîvîstên ji aliyê Îranê ve hatin girtin hatibû destpêkirin hate dirêjkirin.
Rêxistinên jinan TAJÊ û TJA’yê têkoşîn û berxwedana jinan a li Hindistanê, ku piştî destdirêjiya li jinek bijîşk hat kirin û qetilkirin dest pê kir silav kirin û ev peyam dan: “Em zanebûna xweparastinê birêxistin û bihêztir bikin.”
TJA, DBP û DEM Partî bi daxuyaniyekê êrişa li dijî Serokwekîla Koma DEM Partiyê Gulistan Kiliç Koçyîgît şermezar kirin.
Nivîskar û akademîsyen Dr. Mona Fayad diyar kir ku divê jinên cîhanê li dijî darvekirinên li Îranê têkoşîneke hevpar bimeşînin.
Hejmara 77’emîn a Kovara Jin bi bergeya ‘Hûn nikarin serê jinan bitewînin’ derçû.
Li Wanê jinan bal kişand ser texrîbatên ku qeyûman çêkirine û daxwazên xwe ragihandin şaredariyên DEM Partiyê.
Siyasetmedar Sebahat Tuncel li Îzmîrê di gotûbêja TJA’yê û DEM Partiyê de axivî û got: “Navenda şer û polîtîkaya neçareserkirinê Girtîgeha Îmraliyê ye.”
Îpek Er bi tecawiza çawişê pispor Mûsa Orhan re rû bi rû mabû û paşê dawî li jiyana xwe anîbû. Bi ser kuştina Îpek Er re 4 sal derbas bûn. Jinan nerazîbûn nîşanî necezakirina Orhan dan û gotin ew hê jî tê parastin.
Jinan li Hindistanê tecawizkirin û qetilkirina jinekê prostesto kirin û pankarta “Jin jiyan azadî” vekirin û nerazîbûn nîşanî tundiya li ser jinan dan.
Di Tenûra Keda Jinê de hejmara xebatkarên jin daket 2’yan. Melîke Ozcan a tenûrê bi rê ve dibe destnîşan kir ku ji ber krîza aborî, bihayê nan têrî lêçûnên wan nakin.
TJA’yê di daxuyaniya xwe ya piştgiriyê ji bo jinên li dijî Talîban li ber xwe didin de wiha got: “Em têkoşîna wan a 40 sali e didomînin diparêzin û xwedî lê derdikevin. Tevî sînorên netewe dewlet bi ser me ferz dike jî, em ê li her derekê gotina ‘Jin, jiyan, azadî’ bidomînin.
Efxanistan a Talîban bi rê ve dibe ji bo jinan û zarokan veguherî girtîgehekî vekirî. Ji tenduristiyê heya perwerdeyê, ji werzîşê heya her qadekî jiyanê maf hatin astengkirin û jin jî bi piştevaniyê ji xwe re qadên alternatîf ava dikin.
Elîf Ege ya ji Mor Çatiyê diyar kir ku wan di rapora pêşkêşî NY’yê kirine de behsa cihêkarî û nijadperestiya li ser jinên koçber kirin e û got: “Heta ku wekheviya zayendiya civakî neyê pêkanîn, dê pêşî li tundiya li ser jinan neyê girtin.”
Damezrînera ICAVI'yê Roûhî Shafîî ku bertek nîşanî darvekirinên ji ber çalakiyên "jin, jiyan, azadiyê" da, got: "Li cîhanê mirov pir zû qewimînan ji bîr dikin. Gava em dengê xwe bilind dikin piştgiriyê didin me, lê gava şerê me bêdeng dibe xwe li bêdengiyê datînin."