Dadgehê xwest bi tawanbariya "birîndarkirina biqesdî" ceza li Casîm Ozan Çeltîk bê birîn ku kezav avêtibû ser çavê Berfîn Ozekê. Ozek, nerazîbûna xwe ya ji bo mutalaaya dozger nîşan da û got: "Ma gere ez bimirama?" Her wiha Parêzer Mehtap Sert jî, diyar kir ku ev biryar şideta li ser jinê rewa dike.
Naîme Erkmen a donervan, anî ziman ku divê jin bi xwe bawer bin û got: "Ên zêde destekê didin min keçên min in. Ez qewetê ji wan digirim."
Danişîna doza Casim Ozan Çelîk ê li navçeya Îskenderun a Hatayê kezap avêt ruyê Berfîn Ozek, li 1’emîn Dadgeha Cezayên Giran a Îskenderûnê hat dîtin. Dozger bi sedema Casim Ozan Çeltîk xwestiye Berfin Ozek bikuje xwest Çeltik bê cezakirin. Ozek jî xwest Çeltîk rastî cezayê herî giran bê.
Hevseroka Giştî ya ÎHD'ê Eren Keskîn, bi minasebeta 25'ê Mijdarê bal kişand ser girîngiya Peymana Îstanbul û wiha got: "Ev peyman girîng e, lê Tirkiye li gorî vê peymanê tev nagere. Divê jin li dijî cudakariya nava xwe jî têbikoşin."
Çalakiya ku dihat xwestin li dijî tundiya zilaman li Wanê bê lidarxistin hat qedexekirin. Li gel vê yekê jî hevjîna Walî Mehmet Emîn Bîlmez, Meral Bîlmez bi komek zilam re li Wanê meş li dar xistin.
Jinan, di çarçvoeya 25'ê Mijdarê Roja Têkoşîna Li Dijî Tundiya Li Ser Jinê li gelek bajaran, çalakî li dar xistin û daxuyanî dan çapemeniyê. Jinan di çalakî û daxuyaniyan de, gotin; "Qîrîniya Emîne Bûlût a got 'Ez naxwazim bimirim' qîrîniya me hemûyane."
ÎHD'ê, di rapora Tundiya li Ser Jinê de diyar kir ku 16 jinan întîhar kiriye, 54 jin hatin kuştin û 13 jin jî bi awayekî şik mirî hatine dîtin.
Walîtiya Stenbolê duh meşa jinan a li Qada Tunela Stenbolê qedexe kiribû. Piştî hevdîtina rêxistinên jinan a bi walîtiyê re, walitiyê biryara qedexeyê rakir.
Parlamentera HDP’ê ya Mêrdînê Pero Dûndar, diyar kir ku li Tirkiyeyê di nava 11 salên dawî de 2 hezar û 720 jin hatin qetilkirin û ji bo ku tundî, tacîz û komkujiyên li dijî jinan bên çareser kirin û lêkolînkirin pêşniyaznameya lêkolînê da Meclîsê.
Li gorî jinên xwendekarên zanîngehê sedema zêdebûna şideta li ser jinê, polîtîkaya "bêcezatiyê ye" û xwestin dawî li vê polîtîkayê bê.
Jinan li Mêrdîn û Colemêrgê bi minasebeta 25'ê Mijdarê Roja Têkoşîn û Piştevaniya Navneteweyî ya li Dijî Tundiya Li Ser Jinê, çalakî li dar xistin. Jinan li Amedê jî bang li tevlêbûna meşa şevê kirin û xwest her kes beşdarî meşa şevê bibin.
Tevgera Jînen Azad (TJA), bi boneye 25'ê Mijdarê Roja Têkoşîna Navneteweyî ya li Dijî Tundiya li Ser Jinê daxuhanî da û got: "Emê bi milyonan jinên cîhanê re, li dijî her cure tundiyê ji bo ku tenê jineke din neyê kutşin li qadan bin. Em bang li hemû jinan dikin ku li dijî tundiyê, qirkirina jinan û krîza aborî tora xwe ya têkoşînê berfireh bikin.
Şervanên YPJ’ê yên li dijî êrîşên Tirkiyeyê û Artêşa Mîllî ya Sûriyeyê (AMS) yên li ser Bakur û Rojhilatê Sûriyeyê şer dikin, diyar kirin ku ew xwedî mîrateya Rosa Luxembûrg derdikevin û gotin: “Em ê tim li dijî êrîşên li ser jinan derbikevin.”
Ji ber zimanê cihekariyê, ne pêkanîna qanûnan û daxistina rewşa baş ên desthilatdariyê, îsal jî gelek jin ji aliyê zilaman ve ji jiyanê hatin qutkirin. Di 10 mehên destpêkê yên salê de 383 jin hatin kuştin. Qîrîna Emîne Bûlût a “Ez naxwazim bimirim” û têkoşîna azadiyê ya Hevrîn Xelef bû sedem ku jin dakevin qadan û rêxistina xwe xurtir bikin.
Malbata Şûle Çet, destnîşan kir ku bi piştevaniyê wê rê li ber şidet û komkujiyên jinan bê girtin û ji bo 25'ê Mijdarê bang kir.