Encamnameya Konferansa Yekrêzî û Yekhelwesta Kurdî li Rojavayê Kurdistanê hate ragihandin. Li gorî encamnameyê dê Şandeyek Kurdî were avakirin û dest bi dan û standinê û diyalogê bike.
Di çalakiya xizmên windayan ên li Amed, Êlih û Colemêrgê de îşaret bi Komkujiya Ermenan hat kirin.
Beşdarên Konferansa Yekrêzî û Yekheswesta Kurdî gotin ku Rojava, di Berxwedana Kobanê de û bi konferannsa niha yekîtiya kurdan pêk aniye.
Li bendera bajarê Bender Ebbas ya Îranê teqîneke mezin çêbû. Di teqînê de herî kêm 47 kes birîndar bûn.
Platforma Têkoşîna Li Dijî Hişbirê ya Şiyar Be ku avabûna xwe îlan kir. Platformê destnîşan kir ku têkoşîna li dijî madeyên hişbir û fihuşê ne pirsgirêkeke takekesî û malbatî ye, meseleya wijdan û siberoja vê civakê ye.
Peyama Serokê PDK’ê Mesûd Barzanî di Konferansa Yekrêzî û Yekhelwesta Kurdî li Rojavayê Kurdistanê de hate xwendin. Di peyamê de wiha hat gotin, “Em hêvî dikin ku gelê Kurd ji bo mafê xwe têkoşînê bike û di destûrê de mafên Kurdan werin mîsogerkirin.”
Li Amedê bi sernavê ‘Pirsgirêkên Civakî’ komxebat tê lidar xistin. Beşdarên komxebatê Konferansa Yekrêzî û Yekhelwesta Kurdî ya li bajarê Qamişloyê tê lidar xistin silav kirin û ji bo banga Rêberê Gelê Kurd Abdullah Ocalan ya civaka demokratîk banga têkoşînê hat kirin.
Hevserokatiya Konseya Rêveber a KCK’ê ku peyam ji Konferansa Yekrêzî û Yekhelwesta Kurdî ya Rojava re şand, wiha got: “Wekî Rêber Apo jî gotiye, dem dema azadiya kurdan e.”
Mazlûm Ebdî diyar kir ku banga "Aştî û Civaka Demokratîk" a Rêberê Gelê Kurd Abdullah Ocalan rasterast bandorê li ser aştî û aramiya Bakur û Rojhilatê Sûriyeyê dike û got ku armanca sereke ya konferansê mîsogerkirina mafên gelê kurd û tevahî pêkhateyan di Sûriyeya nû de ye.
Konferansa Yekrêzî û Yekhelwesta Kurd li Rojavayê Kurdistanê bi beşdariya zêdekirî 400 delgeyan li Parka Azadî ya li bajarê Qamişloyê dest pê kir.
Çiyayên Gabar û Cudî jî di nav de ketin û derketina 14 herêman hat qedexekirin.
Di çarçoveya lêpirsîna li ser Şaredariya Bajarê Mezin a Stenbolê de Midûrê Giştî yê ÎSKÎ û Cîgirê Sekreterê Giştî yê ÎBB’ê jî di nav de 47 kes hatin binçavkirin.
Li gundê Cirzê yê navçeya Stewrê gundiyan li dijî prokeya GES ya ku hat xwestin bê çêkirin doz vekiribûn. Dadgehê diyar kir ku ji ber ku li herêmê berhemên dîrokî hatine tespîtkirin û qada SÎT'ê ye rapora ÇED'ê betal kir.
Li gorî rapora Şaxa ÎHD’a Amedê, di sala 2024’an de li bakurê Kurdistanê herî kêm 7 hezar û 431 binpêkirinên mafan hatin jiyîn û mafê jiyanê yê 117 sivîlan hate binpêkirin.