Hevserokê Giştî yê DEM Partiyê Tuncer Bakirhan, bangawaziya Devlet Bahçelî ya ji bo Rêberê PKK’ê Abdullah Ocalan ku digot; “Rêxistinê tesfiye bike” nirxand û wiha got: “Em mereq dikin ka dê birêz Ocalan çi bersivê bide. Deriyê Îmraliyê vekin em birêz Ocalan guhdarî bikin.”
Derket holê ku li cihê kedkarên Çapemeniya Azad Gulistan Tara û Hêro Bahadîn lê hatine qetilkirin tu lêkolîn nehatine kirin.
Bêparhiştina bi milyonan zarokên ji gelên cuda û qedexeyên li ser zimanê kurdî, gotinên Erdogan ên têkildarî “zimanê dayikê” vala derdixînin. Hevserokê MED-DER’ê Remzî Azîzoglû got: “Rast dibêje lê êdî kesekê ji gotinên wî bawer bike nema ye.”
Doza ku kesên tev li kampanyaya Gerînendetiya Weşanê ya Nobedar a Rojnameya Ozgur Gundemê bûbûn jê dihatin darizandin, bi hinceta temamkirina kêmasiyên di dosyayê de hate taloqkirin.
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan re ku 43 meh in tu agahiyan jê nagirin, serlêdan kirin.
Dadgeha Bilind, biryarên beraetê yên di doza JÎTEM’ê ya Mehmet Agar jî di nav de 18 bersûc jê dihatin darizandin de hatibûn dayîn pejirandin.
Li Stenbolê welatiyên ku di dema daxuyaniya ji bo mitînga “azadiyê” de hatin binçavkirin bi tundî û tacîzê re rû bi rû man. Fincê Akman a ku tundî lê hat kirin got: “Nikarin îradeya me bişikînin.”
Şaredariya Bajarokê Gundikê Melê navê Narîn Guran a hate qetilkirin li parkekê kir.
Hevberdevkê HDK'ê Cengîz Çîçek diyar kir ku avakirina HDK'ê ya bi perspektîfa têkoşîna yekbûyî tê wateya ku ax bi ava xwe ya jiyanê re bûye yek û bi zehmetiyên pêvajoyê re berpirsyariyên HDK'ê zêde bûne û got: "Pêdiviya me bi peyman û vejîneke nû heye ku tevî tifaqa siyasî tifaqa civakî li her derê ava bike."
Li 36 bajaran bi ser malan de hate girtin û 269 kes hatin binçavkirin.
Zanyara siyasetê Fatma Bostan Unsal diyar kir ku heta pirsgirêka kurd neyê çareserkirin dê xweşguzarî û hiqûq neyê û wiha got: “Divê li fikrên Abdullah Ocalan jî were guhdarîkirin û pêvajoya aştiyê dîsa dest pê bike.”
Midûriyeta Giştî ya Meteorolojiyê ji bo bajarên Herêma Serhedê hişyariya barîna zêde kir.
Ji sembolên berxwedana Kobanê Apê Nemir di encama krîza dil de, di 74 saliya xwe de jiyana xwe ji dest da.
Di çalakiyên “Deng bide azadiyê” yên li Îzmîr û Mêrsînê de daxwaza azadiya fîzîkî ya Rêberê PKK’ê Abdullah Ocalan hate kirin.