Di çalakiyên li dijî qetilkirina rojnamevan Gulîstan Tara û Hêro Behdînan ku ji aliyê Tirkiyeyê ve hatin qetilkirin, wiha hat gotin: "Wê li her derî dengê heqîqetê bilind bibe."
Rêxistina DEM Partiyê ya Şemzînanê têkildarî zimandirêjî û gefên ji aliyê şaredarê AKP’î ve li partî û rêveberên wan tê kirin daxuyanî da û wiha got: “Tu kes nikare zimandirêjiyê li partiya me bike. Bila lêborînê ji partiya me û gelê Şemzînanê bixwazin.”
Hevserokê Giştî yê DBP’ê Keskîn Bayindir, diyar kir ku divê li dijî polîtîkayên dijminane yên AKP’ê û MHP’ê berê xwe bidin Îmraliyê û wiha got: “Fikir, raman, nêrînên Rêber Abdullah Ocalan ji bo hemû gelan û Rojhilata Navîn yekane çare ne.”
Vegera Şengalê ya koçberên ezidî bênavber didome. Di demên dawî de ji ber aramiya li Şengalê, êzidî kom bi kom ji kampên PDK’ê vediqetin û berê xwe didin Şengalê.
Parlamenterê DEM Partiyê Serhat Eren ê karkerên ji ber guhdarkirina stranên kurdî hatine binçavkirin û girtin aniye rojeva Meclisê pirsî: “Ma guhdarkirina stranên kurdî sûc e?”
Kesên li navçeya Sûra bi bombeyên deng êrişî Hewş Kafeyê kirine, piştî mehek bi ser berdana êrişkaran wan derbas bû, vê carê jî êrişî xwediyê kafeyê kirin. Di encama êrişa duyem de destê birayê xwediyê kafeyê derizî.
Hate diyarkirin ku dewleta tirk bi balafira bêmirov û biçek derdora gundê Şînkê ya ser bi Şarbajêr ya girêdayî Silêmaniyê bombebaran kiriye.
Girtî Abdulkadîr Bozkurt ê di girtîgehê de tê ragirtin, hate derbkirin. Malbata Bozkûrt gardiyan gilî kirin.
Emîne Şenyaşar a di dawiya hefteyê emeliyat bû, piştî ku ji nexweşxaneyê tabûrcî bû, ji bo têkoşîna xwe bidomîne hate Meclisê.
TJA ku qetilkirina Gulistan Tara û Hêro Bahadîn bi daxuyaniya da şermezar kir, wiha got: “Kedkarên Çapemeniya Azad ku şopa heqîqetê didomînin, dê pênûsê hevalên xwe li erdê nehêlin û di her şert û merci dê dê dengê heqîqetê derxînin holê.”
Êrişên Tirkiyeyê yên li dijî Herêma Kurdistanê ya Federe didomin. Hat diyarkirin Tirkiyeyê di êrişên xwe yên ji sala 1983`an ber bi îro ve li Bakurê Kurdistanê 247 welatî qetil kirin.
Serokwekîla Koma DEM Partiyê Gulistan Kiliç Koçyîgît a qala axaftina Erdogan a li Xelatê kir, diyar kir ku AKP polîtîkayeke ji feraseta 12’ê Îlonê xerabtir polîtîkayekê dimeşîne û wiha got: “Heke Kenan Evren sax bûya da ji polîtîkayên AKP’ê yên dijminatiya kurd re li ser piyan li çepikan bide.”
Jina bi navê Eylem Sevîlen li navçeya Gonenê ji aliyê bavê xwe ve hate qetilkirin.
Hejmara 245’emîn a Rojnameya Xwebûnê bi manşeta “Tecrîd polîtîkaya şer e” derket. Rojnameyê, bi minasebeta 1’ê Îlonê Roja Aştiyê ya Cîhanê bal kişand ser şerê li Rojhilata Navîn belav dibe û bandora tecrîdê ya li ser şer.