Hevseroka DEM Partiyê Tulay Hatîmogûllari di sempozyûma çandiniyê ya li Wanê de axivî û destnîşan kir ku di qada çandiniyê de li Kurdistanê polîtîkayên taybet hatin bikaranîn û ew dikarin li dijî polîtîkayên şaş bi polîtîka alternatîf, modelên rêxistinkirinê û têkoşîna yekbûyî bi ser bikevin.
Girtiyê nexweş Naîf Îşçî ku ji ber "poşmanîtiya" lê hat ferz kirin qebûl nekir û berdana wî 5 caran hatiye taloqkirin, di 2'yê Tebaxê de dest bi greva birçîbûnê kir. Îşçî têkildarî çalakiya xwe ji ÎHD'ê re nameyek nivîsand û di nameyê de diyar kir ku heya daxwazên wî bên qebûlkirin wê çalakiya xwe bidomîne.
Di êrişên dewleta tirk ên li ser Herêma Kurdistana Federe de, di nava 8 mehan de herî kêm 22 kes hatin qetilkirin. Ne hikûmeta Iraqê û ne jî PDK der barê van êrişan de tu daxuyanî nedane.
Hevserokê DEM Partiyê yê Agiriyê Ûmût Dogrûer anî ziman ku ew tecrîda li dijî Rêberê PKK’ê Abdullah Ocalan tê meşandin derveyî mirovahiyê dibînin û wiha got: “Armanca me bi têkoşîna herêmî û giştî têkoşîna tecrîdê ye.”
Girtiya nexweş a giran Şîvekar Ataş a tevî nexweşiyên xwe nayê berdan, bi hinceta cezayê disîplînê, xistin hucreya yekkesî de.
Xebatên lêgerîna zaroka bi navê Narîn Guran ya ku 17 roj in windaye didomin. Mînakên nû yên DNA'yên yên ji wesayîta apê Narînê Salîm Guran hatibûn girtin bi DNA’ya ji cilên Narînê hatibûn girtin re li hev derketin.
Egîtîm Sena Wanê diyar kir ku bi sedhezaran zarokên kurd ji perwerdehiya bi zimanê zikmakî bêpar bimînin û xwest kurdî bibe zimanê perwerdehiyê.
Çalakiya Nobeta Edaletê ya Emîne Şenyaşar di roja 16'emîn de berdewam kir.
Der barê nûçegihanê me Ahmet Kanbal de li ser beyanên şahidê “veşarî” ku berê li ser rojnamevanên li Enqereyê jî îfade dabû lêpirsîn hat destpêkirin.
Li Cizîrê zaroka 5 salî ku wesayîtek lê qelibî bi giranî birîndar bû.
Rêveberê MEBYA-DER’ê Agît Malgaz ê di Doza JÎTEM’ê ya Cizîrê de şahidînî kir, bi krîza dil a derbaskirî jiyana xwe ji dest da.
4’emîn Dadgeha Cezayê Giran a Îzmîrê biryara qedexekirinê danî ser pirtûka, “Rengê Mor a Siyaseta Kurd (Kürt Siyasetinin Mor Rengi)" a siyasetmedar Gultan Kişanak.
ÎHD’ê rapora xwe ya têkildarî binpêkirinên li Girtîgeha Tîpa S a Kavakê û Girtîgeha Tîpa T a Bafrayê eşkere kir. ÎHD’ê da zanîn ku lêgerîna tazî û hejmartina ser pêyan li girtiyan tê ferzkirin, tundî, heqaret û muameleya xerab li girtiyan tê kirin û nayên tehliyekirin.
Bozan Aslan li Dîlokê 10 metre dûrî navendek tibê ya taybet krîza dil lêda û vê navendê gotiye, “Divê ewilî pere bide nexweşxaneyê” û wî terkî mirinê kiriye. Malbatê der barê navenda tibê de gilî kir.