15 baroyên li dijî jêbirina nivîsên hişyariyê yên trafîkê yên bi kurdî daxuyanî dan û wiha gotin: “Ev nêzîkatiya bextreş a li dijî hebûn û zimanê milyonan welatiyên li welatê me dijîn, şêweyekî bêtehamulîyê bêhtir tiştekî din nîn e.”
Ji 6 kesên duh li Îzmîrê hatin binçavkirin 4 jê hatin berdan.
Cîgira Serokê Giştî yê PIA’yê Menîce Gulmez bertek nîşanî jêbirina nivîsên hişyariyên bi kurdî û binçavkirinên di çarçoveya gerandina govendan hatine kirin da û wiha got: “Heke dewlet dê bibe dewleta her kesekê divê dest ji xurandina birînan berde, başkirina bîrînan ve mijûl bibe.”
Karkerên bipeyman ên Şaredariya Panosê, beravêtiyên paş de tên vegerandin kom kirin. Hat îdiakirin ku Şaredar Abdulhalik Takşin ê peymana karkeran betal kiriye, beravêtiyên karkeran kom kirine daye şewitandin.
Îsraîlê ragihand ku fermandarê Tûgayên Îzettîn el Kassamê ku baskê çekdar ê Hamasê ye, Muhammed Deîf hatiye kuştin.
Birîna daran a li Çiyayê Gabarê hatiye destpêkirin bênavber didome. Darên bi sedan salan emrê wan heye tên birîn û dibin noqteyên cuda.
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 41 meh in agahî jê nayên girtin, serlêdan kirin.
Hat ragihandin ku li herêma Omeryanê ya Nisêbînê ku weke “Herêma ewlehiya taybet” hatiye ragihandin, pevçûn derket.
Di “Doza Îstîsmarê ya Pasûrê” de ku bi sala ya didome, dadgehê ji bo 21 faîlan biryara beratê dabû. Îtîraza li dijî vê biryarê hatiye kirin, ji hêla îstînafê ve hate redkirin.
Li navçeya Pîranê 5 kes bi hinceta ku li ber stranên kurdî govend gerandine hatin binçavkirin. Hat zanîn ku lêgerîna 2 kesan jî didome.
Berdevka SKM’ê ya Stenbolê Leyla Can û endama SKM’ê Dîlara Su Kalpak piştî cezayê pereyan lê hate birîn hatin berdan.
Ciwanên li Geverê ji hêla polîsan ve hatibûn binçavkirin, hatin îşkencekirin. Ciwan, li devereke dûrî navenda navçeyê û li noqteyên cuda bi awayekî derbkirî hatin dîtin.
Hevseroka HDP’ê ya Kerboranê ya berê Hatîce Gevcan piştî teqezbûna cezayê wê hate girtin.
Xebatkarê CPT’iyê Kamaran Osman anî ziman ku dema ew serdana Herêma Federea ya Kurdistanê kiriye jê re peyama ‘Hûn bi xêr hatin Tirkiyeyê’ hatiye avêtin û got: “Ev ne operasyonekî leşkerî ye, ev bi temamî dagirkerî ye.”
Dadgeha Destûra Bingehîn ji bo biryara betalkirina wekîltiya Parlamenterê TÎP’ê yê Hatayê Can Atalay got “Tu hukmê vê biryarê nîne.”