Rêveberê MED TUHAD-FED’ê Orhan Işik, bal kişand ku jiyana girtiyên nexweşên diyalîzê di bin rîskê de ye û wiha got: “Divê raya giştî ya cidî bê afirandin û ev nexweş bên dermankirin.”
Evîn Tan destnîşan kir ku bavê wê yê 62 salî ku ev salek e girtî ye, di demên dawî de hişê xwe winda dike, kîlo daye, ji ber sewqî nexweşxaneyê nakin, nexweşiya wî nayê zanîn û da zanîn ku mafê wî yê dermankirinê tê astengkirin.
Siyasetmedarê DBP’î Mehmet Reşît Înce, îşaret kir ku şer bi gelên Tirkiyeyê dide winda kirin û wiha got: “Divê saziyên sivîl ên civakî û partiyên siyasî li dijî vê polîtîkaya dagirkeriyê dengê xwe derxînin.”
Şaredariya Bajarokê Deşta Dara ya ji hêla DEM Partiyê tê birêvebirin bi traktor û maşîneyeke kar, bêyî navber xebatên xwe didomîne. Bi piştevaniya 3 şaredariyan ji 67 malan, pirsgirêka rê ya 58’ê wan hatin çareserkirin.
Di rapora ÎHD’ê ya têkildarî binpêkirinên mafên girtiyên siyasî yên li Girtîgeha Tîpa L a Çorumê hat gotin ku Meclis TV jî hatiye qedexekirin.
Di nobeta qeyûm a li Mêrsînê de karîkaturên ku girtiyan xêzkirine hatin pêşandan. Di nobeta li Stenbolê de jî ev peyam hate dayîn: “Heta ku bersiva berxwedaneke civakî ji qeyûm re neyê dayîn dê ev agir bikeve mala herkesê.”
Li Mîhrîcana Çand û Xwezayê ya Mûnzûrê ji bo zarokan hin akîtîvet hatin kirin û şano hate lîstin.
Girtiyê siyasî Lokman Bozan ê li Girtîgeha Tîpa F a Bolûyê tê ragirtin bi telefonê bi malbata xwe re axivî û diyar kir ku ew û hin hevalên wî ji ber xwarinên girtîgehê bi jehrê ketine.
Şaredariya Cizîrê bi armanca guhdarîkirina pirsgirêkên navçeyê û daxwaz û pêşniyarên gel li taxa Sûrê bi gel re civiya.
Parêzer Eylem Arzû Kayaoglû ya di civîna gel a li Ataşehîrê hate lidarxistin de axivî, wiha got: “Li Îmraliyê berxwedaneke mezin heye. Ji ber ku heke birêz Ocalan, daxwazên dewletê pêk anîbûna, evqas tecrîd nedihate sepandin.”
AFAD’ê ragihand ku li Behra Egeyê bi pileya 4.5 erdhej çêbû.
Hevserokê DEM Partiyê yê Navçeya Navendî ya Semsûrê Yûsûf Ozperçîn ê ji ber metna çapemeniyê ya li dijî êrişên dewleta tirk xwendibû hatibû girtin, di encama îtîrazê de hate berdan.
Li Dêrikê leşkerên êrişî gundiyên ku bertek nîşanî DEDAŞ’ê dan kirin, Îbrahîm Aksoy ê ji sedî 96 astengdar derb kirin. Aksoy rakirin nexweşxaneyê.
Cenazeyê dayika Hogir Ozkan ê di Komkujiya Pirsûsê de jiyana xwe ji dest dabû, Daxîla Ozkan li Cizîrê hate veşartin.