Rojnameger, siyasetmedar û parastvanên mafên mirovan berî ku danişîna rojnameger Serdar Karakoç ê ku dê biryara teslîmkirina wî ya Almanyayê were diyarkirin, daxuyaniya “Bila astengiyên li pêşiya azadiya rojnameger Serdar Karakoç werin rakirin’ dan.
Parêzer Ozgur Erol têkoşîna li dijî tecrîda li Îmraliyê weke “Têkoşîna israra di di çareserkirina pirsgirêka kurd de ye” nirxand û wiha got: “CPT’yê têkildarî rejîma dermirovî ya li Îmraliyê tespîtên girîng kiriye lewma naxwazin rapora CPT’yê were parvekirin.”
Siyasetmedarê kurd Hatîp Dîcle Peymana Lozanê weke “mezintirîn komploya a li dijî kurdan” pênase kir û wiha got: “Bi nûjenkirina Destûra Bingehîn a 1921’ê re komar dikare bi demokrasiyê were tacîdarkirin.”
Li Mêrsînê strana “Olurum Turkiyem’ li ciwanên bi îdiaya “propagandaya rêxistinê” hatine binçavkirin dan guhdarkirin.
Welatiyên li navçeyên Tatos û Qereyaziyê ji lêhiyê bandor bûne li benda piştevaniyê ne.
Derket holê ku qeyûmê Şaredariya Êlihê di nava 2 salan de ji bo organîzasyonên ku alîgirên îktîdarê tev li dibûn 52 milyon û 342 hezar û 740 TL pere xerc kiriye. Her wiha balkêş e ku 16 hezar pirtûkên Azîz Sancar kiriye.
Ji 3 girtiyên li heman hucreyê li Girtîgeha Tîpa R a Metrîsê tên ragirtin yek felc e, yekê du destên wî nînin û yek jî di nav nivînan de ye. Parêzer Gulîzar Tûncer, anî ziman ku girtiyên ku neçar mane li hevdû binêrin di nav şertên dermirovî de têkoşîna jiyanê didin.
Gerînendeyê Weşana Giştî yê Rojnameya Yenî Yaşamê Mehmet Alî Çelebî anî ziman ku li Tirkiyeyê azadiya çapemeniyê li ber kendal e û wiha got: “Divê rojnamevan û rêxistinên pîşeyî yên çapemeniyê di nava piştevaniyê de bin.”
Rojnameger Azîz Koyluoglû diyar kir ku armanca dewleta tirk a bi êrişên li dijî Herêma Kurdistanê destkeftiyên gelê kurd in û wiha got: “Tirkiye dixwazê destkêftiyên başurê Kurdistanê ku kurdan bi berdelên mezin bi destxistine ji holê rake. PDK jî bi hevkariya xwe dibe şîrikê vê armanca Tirkiyeyê.”
Navenda Belgekirina Binpêkirinan a Bakur û Rojhilatê Sûriyeyê da zanîn ku dewleta tirk zêdetirî 300 endamên komên paramîlîter ji Sûriyeyê biriye Herêma Federe ya Kurdistanê.
Pêşnûmeqanûna ku qetilkirina heywanên li kolanan diparêze, Ji Komîsyona Çandinî, Daristan û Karên gundan derbas bû.
Di nobeta Şîşhaneyê de hate bilêvkirin ku dawiya kêmasiya demokrasiya li Kurdistanê tecrîd, komkujiya jinan, şer, bengitiya tiryakê ya ciwanan û bêkarî ye û wiha hate gotin: “Em qeyûman qebûl nakin.”
Hevserokê DEM Partiyê yê Enqereyê Fatîn Kanat bi gotina “Berpirsyariya me ye ku bi dirûşma ‘Ji şer re na, cîhaneke din pêkan e’ eniyeke xurt a li dijî şer ava bikin” banga hevgirtinê kir.
Meclisa Jinan a DBP’ê û TJA di atolyeya ku li ser şerê taybet li dar xistin de bal kişandin ser tecrîda li ser Rêberê PKK’ê Abdullah Ocalan.