33 Rêwiyên Xeyalan ên di Komkujiya Pirsûsê de jiyana xwe ji dest dan li cihê lê hatin qetilkirin hatin bibîranîn. Di axaftinên li bîranînê hatin kirin de hate diyarkirin ku ciwanan armanc dikir ku bigihin berxwedana Kobanê û wiha hate gotin: “Xeyalên wan dê nîvco nemînin.”
Êrişên dewleta tirk ên li dijî herêmên Zap, Avaşîn û Metînayê didomin. Hate diyarkirin ku di yek ji şerê li van herêman diqewime de Yarbay Abdûllah Cem Demîrkan hatiye kuştin.
Mela Abid Bêzel Rêkanî yê ji Şêladizê bertek nîşanî êrişên dewleta tirk ên li herêmê dan û wiha got: "Dagirkerî bûye agir û herêma me kiriye dojeh. Ger devera me azad bibe, em tiştekî din naxwazin."
Hevserokê Şaxa SES'ê ya Şirnexê Mîhrîban Şenbayram bal kişand ser kûrbûna pirsgirêkên li qada tenduristiyê yên li Şirnex û navçeyên wê û got: “Dema mijar Şirnex be, mafê tenduristiyê yê ku divê bêheq û bikarin xwe bigihîninê, bi awayekî cidî tê sekinandin.”
Nûnerên rêxistinên ciwanan ên ji bo çalakî û aktîvîteyên ji ber Komkujiya Pirsûsê bên kirin bang kirin, diyar kirin ku armanca ciwanên beriya 9 salan bi rê ketin ew bû ku şoreşê bînin ser vê axê.
Li çiyayên Gabar, Cudî û li herêma Bestayê birîna daran ku hatiye destpêkirin didome. Di dîmenên ku hatine kişandin de bi deste cerdevanan ekolojiya herêmê çawa tê hilweşandin careke din radixe ber çavan. Li şûna qadên dar lê tên tunekirin jî kalekol û qereqol tên avakirin.
Dayikên Aştiyê bertek nîşanî PDK'ê ku rê li ber êrişên Tirkiyeyê yên li ser Herêma Kurdistanê vedike dan û diyar kirin ku ew naxwazin xwîn birije û şer pêk were û wiha gotin: "Ey Barzanî, şiyar bibe, dema ev kesên tu pê re xiyanetê dikî, dê dayikên ku îro tu xiyanetê lê dikî te rizgar bikin.”
Hunermendên ku Înîsiyatîfa Hunerê ya Ji bo Azadiyê ragihandin diyar kirin ku li qadek ku kes lê ne azad be wê huner jî ne azad be û gotin: “Em her hunermendan dixwazin li dijî zilmê, zordestiyê û şer dengê xwe derxin û vedixwînin ku di nav vê hewldanê de cih bigirin.”
Parêzera rojnamevan Sadik Topaloglû, Ayşe Acînîklî diyar kir ku biryara derbarê miwekîlê wê de hatiye dayîn nehiqûqî ye û got: “Bi rêya medyayê operasyon hat kirin.”
Hevserokê DEM Partiyê yê Stenbolê Mûrat Kalmaz hevkariya PDK’ê ya bi dewleta tirk re rexne kir û got: “Helwesta PDK’ê ya di van êrişên dagirkeriyê de eşkere û zelal e. Helwestek xiyanetkar û hevkariyê ye.”
Rewşenbîran polîtîkayên şer ên Tirkiyeyê nirxandin û diyar kirin ku pirsgirêka kurd bi şer çareser nabe û ji bo aştiyê jî divê têkoşînek bênavber bê kirin.
Li gelek bajaran êrişên Tirkiyeyê yên bi hevkariya PDK’ê li dijî başûrê Kurdistanê tên kirin, hat protestokirin. Di çalakiyan de peyama, “Bimire xiyanet, bijî berxwedan” hat dayîn.
Rêxistinên ciwanan ji bo 33 qurbaniyên Komkujiya Pirsûsê xeleka ji mirovan pêk tê çêkirin û gotin wê tu xeyal nîvco nemînin.
Hevserokê DEM Partiyê Tuncer Bakirhan di mitînga çandiniyê de axivî û wiha got: "Desthilatdarî û DEDAŞ zilm û zordestiyê li cotkar û xelkê me dike. Divê em li dijî zilma DEDAŞ'ê û şerê desthilatdariyê wek Kawayê Hesinkar li ber xwe bidin û têbikoşin. Çimkî êdî xelk ji destê vê desthilatdariyê nikare debara xwe bike. Edalet û azadî tune ye."