Parlamenterên DEM Partiyê banga beşdariya “Mitînga Azadiyê” ya dê sibê li Amedê bê lidarxistin kirin û gotin: “Ji bo jiyanek wekhev, azad û demokratîk em sibê li Qada Îstasyonê bin.”
Li Êlihê polîsan avêt ser mala Halîse T. û lawê kirin binçavan. Halîse T. diyar kir ku lawê bi tundiya polîsan re rû bi rû maye û dîmenê ku kişandiye jî bi gefxwarinê ji telefona wê hatiye paqijkirin.
Nûnerên rêxistinên girseyî yên demokratîk ên Rihayê banga tevlibûna "Mitînga Azadiyê" ya ku wê sibê li Amedê bê lidarxistin kirin û ev peyam dan: "Em ê bên û Qada Îstasyonê bikin qada aştiyê."
Di îdianameyê ku der barê hevşaredarên berê yên girtî yên Şaredariya Erxeniyê de hat amadekirin, biryarên meclisê, vekirina buroyên hilbijartinê, çalakiya Aşûreyê, projeya "mala nan" û pîrozbahiya Newrozê sûc hatin hesibandin.
Li gundê Elemûnê yê Qilebanê 39 sal in ceyrana welatiyan tê qutkirin. Şêniyên gund diyar kirin ku birîna ceyranê ji bo nexweşên diyalîzê metirsiyeke mezin çêdike û gotin: "Bila pêşiyê pirsgirêka qûtbûna ceyranê çareser bikin û piştrê ceyrana qaçax tespît bikin."
Hevserokê DBP'ê yê Dîlokê Mehmet Ozkan hat girtin û Hevserokê DEM Partiyê yê Şahînbeyê Mûstafa Tûç û Hevserokê DBP'ê yê Şahînbeyê Musşum Denîzhan jî bi şertê kontrola edlî serbest hatin berdan.
Desmala xwendekara zanîngehê Rojîn Kabaîş ku ev 14 roj in lêdigerin, li ser qeraxê hatibû dîtin. Piştî vê geşedanê di Behra Wanê de xebatên lêgerînê hatin zêdekirin.
Siyasetmedarên ku ji bo “Mitînga Azadiyê” xebatên xwe yên li Enqereyê didomînin, diyar kirin ku tecrîd belavî her qadê bûye û li dijî vê bang kirin ku di 13’ê cotmehê de li Amedê bibin.
Hevserokên Giştî yêN DEM Partiyê Tuncer Bakirhan û Tulay Hatimogûllari bi rêxistinên elewiyan re civiyan. Tuncer Bakirhan ev peyam da: “Êdî em dikevin serdemek ku ku red û înkar bi dawî dibe. Cîhan diguhere, yên bi hêz û yên bi rêxistinkirî bi ser dikevin.”
Di çarçoveya lêpirsîna ku navenda wê Stenbolê hate destpêkirin de 3 kes hatin girtin.
Wezareta Ragihandinê û Binesaziyê bersiva pêşniyaznameya têkildarî nivîsa hişyariya trafîkê “Pêşî Peya” ku jê hatibûn rakirin da. Wezaretê îdia kir ku kurdî “ne li gorî standartan e.”
Di konteynira çopê ya li ber stargeha aydê Şaredariya Gebzeyê ya AKP’î de gelek kûçik û pisîkên qetilkirî hatin dîtin.
Hunermendê NÇM’ê Engîn Cengîz bi şertê kontrola edlî hat berdan.
Ajokarê ambûlansê Şeyhmûs Dûrsûn di sala 2015’an de li Elkê bi guleyên polîsan hatibû kuştin. Xwegihandina nûçe û parvekirinên têkildarî bûyerê hate astengkirin.