Biryara avakirina komîsyona lêkolînkirinê ya Meclisê ku ji bo pêşîlêgirtina îstîsmarkirin û tundiya li dijî zarokan hate dayin, di Rojnameya Fermî de hate weşandin.
Rêxistinên DBP û DEM Partî yên Amedê li dijî komploya navneteweyî ya 26 sal berê li hember Rêberê PKK’ê Abdullah Ocalan pêk hat daxuyanî da û wiha got: “Bi polkîtîkayên tecrîd û înkarê tu dewlet nikarin encamê bigirin û bê girtin. Gelê kurd ji 7’an heta 70’ê herkes rê nîşan dide. Ew rêjî riya çareseriya bi muxatab re ye.”
Li Rihayê tevî hewldanên astengkirina polîsan Nîlgul Çevîk, Başak Sîdar Çevîk û Yilmaz Elmascan ên di 10’ê cotmehê de li Qada Gara Enqereyê hatin qetilkirin, hatin bibîranîn.
Rêveberiya Xweseriya Demokratîk diyar kir ku rizgarkirina Efrîn, Serêkaniyê û Girê Spî û vegera koçberan bi serfirazî ji warên wan re dê armanca wê ya sereke be.
Di çalakiyên şermezarkirina komploya navneteweyî ya 9’ê Cotmehê de hat destnîşankirin ku azadiya Abdullah Ocalan pêk were û banga beşdariya mitînga 13’ê Cotmehê ya li Amedê hat kirin.
Wezareta Parastinê pirsên der barê mayina ku şivanê bi navê Bedrettîn Duzen pê jiyana xwe ji dest da û çawaniya mirina wî de bêbersiv hişt.
Hunermend Helîm Omerî û Azad Bedran ku li Amedê hatibûn binçavkirin dê sibe sewqî edliyeyê bên kirin.
Waliyê Wanê Ozan Balci yê 13 roj piştî windabûna Rojîn Kabaîşê daxuyanî da, diyar kir ku lêgerîn li pêravê Gola Wanê hatine zêdekirin.
Hevşaredara Misircê Sadiye Aktîn, Hevseroka DEM Partiyê ya Misircê Saliha Sak û 2 kesên pê re ku hatibûn binçavkirin, hatin berdan.
Li Hesekê û Qamişlo bi deh hezaran kes komploya 9’ê Cotmehê ya li dijî Rêberê PKK’ê Abdullah Ocalan protesto kirin.
Ji ber gotinên di daxuyaniya têkildarî Qirkirina Ermenan li Hevseroka Şaxa ÎHD’a Dêrsimê Gonul Sonbahar doz hatibû vekirin. Di danişîna ewil a dozê de biryara beraetê hate dayin.
Hate diyarkirin ku Îlyas G. yê li Lîseya Îmam Xatîbê ya Anatoliyayê ya Keçikan a li navçeya Erxeniyê mamostetiya fizîkê dikir, tacîza zayendî li xwendekareke xwe kiriye û ji ber vê yekê ji kar hatiye dûrxistin.
Di salvegera komploya navneteweyî de li gelek bajaran grafîtiyên Ocalan li ser dîwaran hatin xêzkirin.
Karkerê ku di teqîna kargeha meqerneyan a li navçeya Hendekê ku beriya 25 rojan pêk hatibû de birîndar bûbû, li nexweşxaneya lê dihate dermankirin jiyana xwe ji dest da.
Kesek an hin kesên nasnameya wan nediyar li navçeya Konaka Îzmîrê bi boyaxa sor êriş birin ser deriyên sînagogên Sînyora û Algazî.