Dr. Kamûran Berwarî diyar kir ku peymana dawî di navbera Tirkiyeyê û Iraqê de û hevdîtinên dawî li ser tunekirina destekftiyên kurdan e û got: “Heke ev plan bidomin wê şer hin belavtir bibe. Lê kurd ne bi tenê ne û qet jî bêparastin nîn in.
Ji wênesazên ku wêneyên kesên ku pêşengiya çand, ziman û hunera kurdî kirine li kolanên Êlihê dineqşîne Rûken Ekîncî diyar kir ku armanca wan ew e ku van nirxan bigihînin gel.
ATK’ê derbarê girtiya nexweş Hatîce Yildiz a 75 salî ku ji bo pere ji keça xwe û hevala wê re şandibûn cezayê hefsê lê hatibû birîn de rapora ‘dikare li girtîgehê bimîne’ da.
Hevberdevkê HDK’ê yê Stenbolê Alî Bal diyar kir ku amadekariyên mitînga “azadiyê” ku dê di 13’ê cotmehê de li Amedê bê kirin didomin û destnîşan kir ku ji bo çareseriya krîzên li welat divê deriyên Îmraliyê bên vekirin.
Hevserokê MED-DER'ê yê berê Rifat Ronî ku di çarçoveya operasyona li dijî saziyên ziman de hat binçavkirin, hat girtin.
Di lêpirsîna li hemberî saziyên ziman de 13 kesên îfadeya wan a dozgeriyê hat girtin bi şertê kontrolkirina edlî hatin berdan û 2 kes jî bi daxwaza girtinê sewqî dadgehê hatin irin.
Ji 22 mamosteyên zimanê kurdî ku sewqî edliyeyê hatin kirin 7 kesên din jî piştî îfadeyên li dozgeriyê hatin berdan.
Nûnerê ÎHD’a Tetwanê Mazlûm Aydik diyar kir ku mafên mirovî yên li girtîgehên Herêma Serhedê hatine sînordarkirin û got ku tecrîd derketiye asta herî jor.
Hat îdiakirin ku zarokek keç li navçeya Nisêbînê ji hêla midûrê dibistanê ve hate tacîzkirin.
Girtî Masûr Zan têkildarî binpêkirinên li girtîgehê nameya binpêkirinê nivîsand. Rêveberiya girtîgehê bi hinceta “Li dijî girtîgehê rojevekî neyînî ava dike” dest danî ser nameyê.
Ewlekariya Şaredariya Çankayayê li mamosteyên ku ji ber ji kar hatine derxistin û li pêşiya avahiyê şaredariyê çalakiya rûniştinê li dar dixin, xist. Xebatkarê şaredariyê jî gefa kuştinê li nûçegihanê me Mehmet Aslan xwar.
Meclisa Dayikên Aştiyê ya Wanê ji bo şermezarkirina serdegirtina saziyên zimanê kurdî û piştevaniya bi mamsoteyên kurdî yên hatin binçavkirin re çalakiya rûniştinê li dar xistin û zextên li ser zimanê kurdî şermezar kirin.
GABB’ê biryara avahiya akademiya xwe ku ji aliyê qeyûman ve şiklekî neqanûnî hatibû dewrkirin, betal kir.
Li Amedê “7’emîn Sempozyûma Navneteweyî ya Derbarê Qewîkirin û Parastina Avahiyên Dîrokî de” hat lidarxistin. Di sempozyûmê de hat destnîşankirin ku avahiyên dîrokî û nirx û mîrateyên çandeyî bên parastin.