Endamê Buroya Hiqûqê ya Sedsalê Ozgur Erol ê ji bo Îmraliyê got ku “Yekemîn cihê ku statuya wê û bi kîjan hiqûqê tê birêvebirin ne diyare ye” û wiha got: “İsrara Abdullah Ocalan a ji bo rola xwe bilîze, israra çareseriya pirsgirêka kurd a bi rêyên demokratîk e.”
Akademî û komeleyên çand û hunerê yên li Amedê xebatên xwe didomînin, li dijî neheqî û bêedaletiyê bang kirin û gotin: “Bêdeng nemînin.”
Baroya Amedê û rêxistinên hiqûqê yên bajêr bertek nîşanî awayê binçavkirina parêzer Ramazan Kartalmiş ê di operasyonên li bajêr de hate binçavkirin dan.
Dayikên Şemiyê vê hefteyê aqûbeta Veysel Guney ê 43 sal berê darvekirin û venazeyê wî winda kirin pirsîn. Biraziyê Veysel Guney Dogan Guney diyar kir ku 43 sal borîn lê hêj gora mamê wî winda ye û got: "Hin kes ji gora mamê min ditirsin. Ji bo wê gora wî nîşanî me nadin."
Devrîm Ayik girtiyê nexweş ê giran e û ji sedî 76 berastengdar e. Ayik di nameya ji dayika xwe re şandiye de qala bêhiqûqiyên di girtîgehan de tên jiyîn kir û wiha got: “Girtîgeh neynika dewletê ne.”
Parlamenterên DEM Partiyê yên Stenbolê û hevserokên bajar ji bo çalakiya protestoya qeyûm a ku dê îro li Qada Şîşhaneyê bê li dar xistin banga tev li bûnê kirin û wiha gotin: “Werin em bi hev re li dijî qeyûm dengê xwe bilind bikin.”
Di hefteya 800’emîn de ya malbatên windakiriyan û ÎHD’ê de daxwaza “Bila windakirî bên dîtin faîl bên darizandin tê dubarekirin.
Di serdagirtinên malan ên li navçeya Erxeniyê de tevî hevşaredarên Erxaniyê yên berê, 5 kes hatin binçavkirin.
Li Licikê cenazeyê karkerê dawî ku di bin karesata kana madenê ya pêk hatî de mabû jî hate dîtin.
Welatiyên li Stenbolê dijîn bertek nîşanî tayînkirina qeyûm a li Şaredariya Colemêrgê dan û bi lêv kirin ku ji bo welatekî demokratîk dê li dijî qeyûm têbikoşin.
Girtiya nexweşa giran Fatma Ozbay a li Girtîgeha Jinan a Şakranê tê ragirtin, tevî nexweşa penceşêrê ye jî kontrolên wê yên rûtîn nayên kirin.
Berdana Sedat Atsiz ê 30 sal in girtiye û niha li Girtîgeha Tîpa F a Bolûyê tê ragirtin, cara duyemîn hat taloqkirin. Malbata Atsiz li dijî binpêkirinê serî li ÎHD'ê da.
Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, dernakevin hevdîtin û telefonên malbatê û dadgehan boykot dikin.
Wezareta Karê Hundirîn ragihand ku HPG’î Îlyas Ayaz di pevçûnê de jiyana xwe ji dest daye. Derket holê ku Ayaz û HPG’iyekî din wek birîndar rakirine Nexweşxaneya Perwerde û Lêkolînê ya Herêma Wanê.
Li Girtîgeha Marmarayê bi hinceta protestokirina Komkujiya Girtîgehê ya di 19'ê Kanûnê de, li 14 girtiyan cezayê dîsîplînê hat birîn.