Çavdêriya Mafên Mirovan a Sûriyeyê da zanîn ku Tirkiyeyê ji bo li dijî PKK’ê şer bikin, bi bedela 3 hezar dolaran 400 leşkerên paramîlîter ji Sûriyeyê derbasî Herêma Federe ya Kurdistanê kir.
Meteorolojıyê ji bo 15 bajaran bi koda zer û porteqalî hişyarî kir.
Dayikên ku piştî girtinê rastî zexta lêgerîna tazî hatin wiha gotin: “Heta vî emrê xwe me tiştekî wiha nedîtiye. Bi por û dersokên xwe yên spî em di girtîgehê de tên ragirtin.”
Li Wanê hinek kesên nasnameya wan nediyar nivîsa “Pêşî Peya” jêbirin û li şûna wê nivîsa “Tirkiye tirk e, dê weke tirk bimîne” nivîsandin.
Zanyarê siyasetê Ahmet Însel têkildarî êrişên Tirkiyeyê yên li dijî Herêma Federe ya Kurdistana axivî û diyar kir ku tu xêra şer nagihije welat, pirsgirêka sereke ya kurd divê demildest were çareserkirin.
Ji parêzerên Buroya Hiqûqê ya Sedsalê Emran Emekçî diyar kir ku hincetên “cezayên disiplînê” yên tecrîda li Îmraliyê razber û derqanûnî ne. Emekçî, bal kişand ser têkoşîna civakî û siyasî ya li dijî tecrîdê û got: “Dê têkoşîna civakî encamê diyar bike.”
Parêzera OHD’î Rengîn Ergul diyar kir ku rayedarên dewleta tirk di rûniştinên NY’ê de bersiv neda pirsên têkildarî “cezayên disiplînê” û wiha got: “Dê piştre bi nivîskî bersivê bidin. Em ê bişopînin.”
Parêzerê girtiyê nexweş Fevzî Arslan ku ji ber îşkenceyên di bin çavan de lê hatine kirin nexweşiya wî ya “helîna mejî” hate tespîtkirin, Eyup Sabrî Tînaş, wiha got: “Bijîjk diyar kir ku heke bi vî awayî li girtîgehê bê ragirtin, herî zêde 2 salên din dikare bijî.”
Rojnameger Kakshar Oremar, diyar kir ku dewleta tirk bi êrîşên li ser Herêma Kurdistanê dixwaze herêmê dagir bike û got: “Divê demildest bangawaziya yekitiya netewî ya Rêberê PKK’ê Abdullah Ocalan ku salên berê kiribû di vê pêvajoya dijwar de pêk were.”
Di nobeta qeyûm a li Qada Şîşhaneyê de ev bang li PDK’ê hate kirin: “Di zûtirîn demê de dest ji xeta xwe ya xiyanetê berde.”
Li Bazîdê li dawetekê 6 kesên ku cilên herêmî li xwe kirin û li ber stranên kurdî govend gerandin bi sûcdariya “propagandaya rêxistinê” hatin binçavkirin.
Hevseroka Giştî ya DEM Partiyê Tulay Hatîmogûllari di civîna gel a li Bazîdê de wiha got: “Em di serdemeke ku divê dengê aştî û edaletê bilind bikin de derbas dibin. Em ê bajêr bi bajêr, navçe bi navçe bigerin û rêxistinkirina vê bikin.”
DEM Partiyê giliyê Serokê Partiya Hur Dava ya Amedê Zeynul Abîdîn Gulsever ê piştgiriyê dide kesên erişî aktîvîteyên li park û kafeyan dikin û partiya wan hedef digire û ji ber parvekirinên wî yên medyaya dîjîtalê giliyê Serokê Lijneya Rêveberiya Koma Şîrketên Zafer Yapiyê Sabir Toktaş kir.
Li Geliyê Xursê di navbera du malbatan de ji ber erd şer derket, di şer de 2 kesan jiyana xwe ji dest da û 3 kes jî birîndar bûn.