OHD'ê têkildarî îşkenceya li gundê Marînê yê Nisêbînê di serdegirtina malan de li welatiyan hatibû kirin, der barê Wekîlê Fermandarê Leşkeriyê yê Qoserê Kamîl Aksoy de gilî kir.
Li gundê Faxrikan ê bi ser navenda Semsûrê ve şewat derket û li qadek berfireh belav bû.
Hevseroka Konseya Rêveber a KCK’ê Besê Hozat anî ziman ku rayedarên AKP'ê ji bo rakirina tecrîda li ser Rêberê PKK'ê Abdullah Ocalan tawîzan dixwaze û got: “Em vê nemerdiyê red dikin. Bi tu awayî Rêbertiya me nabe mijara bazariyê.”
Endamên YCW'ê bi sûrên Amedê ve pankarta berxwedana 14'ê Tîrmehê daliqandin.
Leşkeran avêt ser gundê Firfelê yê Hezexê û di serdegirtina malê de Fatma û Abdullah Gul ên hevjînên hev hatin binçavkirin.
DEM Partî ya Şaredariya Curnê Reş bi dest xist, bi avahiya şaredariyê ve û ketin û derketina navçeyê tabelayên kurdî daliqandin.
Hevserokê Giştî yê CHP’ê Ozgur Ozel, bal kişand ser xizaniya heyî û wiha got: “Dest ji çepgiriya li Twîtterê û muxalefeta klavyeyê berdin. Derkevin qadan piştgiriyê bidin têkoşînê.”
Derbarê xebatkarê tenduristiyê Adnan Irmak de ku nexibitîna pergala sarkirinê ya li Nexweşxaneya Dewletê ya Qoserê kir rojev, lêpirsîn hate destpêkirin.
Hevseroka Giştî ya DEM Partiyê Tulay Hatîmogûllari got ku hewldana darbeyê ya 15’ê tîrmeha 2016’an “komployeke li dijî gelan e.”
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 40 meh in agahî jê nayên girtin, serlêdan kirin.
Endamê Meclisa DEM Partiyê Mûhammed Ayten di danişîna ewil de hate berdan.
Sare Kaya a 59 salî ku 15 rojan li Bilexşê di dorpêça leşkeran de ma û li ser îtîraza dozgeriyê hate girtin, di tevahiya jiyana xwe de li dijî polîtîkayên zext, îşkence û koçberkirinê têkoşiya.
Vedat Kûrt ê ji bo ku yewmiyeya xwe xwest ji aliyê xwediyên kargehê ve hate desteserkirin, diranên wî hatin kişandin û îşkenceya bi ceyranê lê hate kirin. Tevî dîmenan jî xwediyên kargehê negirtî tên darizandin.
Girtiyê edlî Ridvan Barik ê li Girtîgeha Hejmara 2’yan a Dûmlû ya Erziromê tê ragirtin, da zanîn ku her tim ji aliyê gardiyanan ve gefa kuştinê lê tê xwarin.