Gokhan Gunduz li Girtîgeha Kiriklarê tê ragirtin û dadgeha herêmî bi îdiaya “heqaret li serokkomar biriye” ceza lê birîbû. Dadgeha Îstînafê ev biryar betal kir û biryara beraetê da.
Hevşaredara Dêrsimê Bîrsen Orhan bi şertê hefsa malê hate berdan.
Walîtiya Amedê bi biryarek sosret dirûşma “Jin jiyan azadî” qedexe kir.
Di daxuyaniyên li Colemêrg û Geverê yên li dijî qeyûmên ku tayînî şaredariyên Dêrsim û Pulurê hatin kirin de wiha hat gotin: "Em ê tu carî serî netewînin, em ê dest ji têkoşînê bernedin."
Di daxuyaniya ku di 25'ê Mijdarê de li Cizîrê di pêşengiya TJA'yê de hat dayîn, jinan bal kişandin ser tecrîda mutleq a girankirî ya li ser Rêberê PKK'ê Abdullah Ocalan û gotin: "Hûn mecbûr in Birêz Ocalan muxatab bigirin."
Li Êlihê di çalakiya ku li dijî desteserkirina şaredariyan hatî lidarxistin de, hat destnîşankirin ku rêwatiya desthilatdariyê nemaye û peyama mezinkirina berxwedanê hat dayîn.
Dayikên Şemiyê di çalakiya vê heftê de li aqûbeta Hayrettîn Eren ê ku 44 sal beriya niha di binçavan de hatî windakirin hat pirsîn û wiha hat gotin: " Em ê ji bo Hayrettîn Eren, ji bo hemû windahiyên xwe edaletê bixwazin û bi bîr bînin ku divê dewlet li gorî pîvanên hiqûqa gerdûnî tevbigere."
Xizmên Windayan û Komeleya Mafê Mirovan a Amedê di hefteya 824’an de çalakiya ji bo windayan li dar xist. Di çalakiyê de tundî û kuştina li ser jinan û tayînkirina qeyûman hat şermezarkirin.
Cenazeyê Mîne Sevjîn a HPG'î ya di çalakiya li dijî TÛŞAŞ'ê de cih girt û cenazeyê wî piştî 31 rojan radestî malbata wî hat kirin, li Wanê di bin dorpêça polîsan hat definkirin.
Leyla Uren a ku li Rihayê demek dirêj agahî jê nehatibû girtin, li mala ku lê dima, hat qetilkirin. Kujerê Leyla Uren Ahmad El Avvad hat girtin.
Parêzerê Burya Hiqûqê ya Sedsalê Îbrahîm Bîlmez, li ser rewşa azadiya Rêberê PKK’ê Abdullah Ocalan axivî û got: "Êdî dema azadiya Birêz Abdullah Ocalan hatiye.”
Derdora Şaredariya Dêrsimê ya qeyûm tayinî wê hat kirin, bi bariyerên betonî hat girtin.
Cenazeyê Alî Orek ê HPG'î yê di çalakiya li dijî TÛŞAŞ'ê de cih girt û cenazeyê wî piştî 31 rojan radestî malbata wî hat kirin, li Hezexê hat definkirin.
Nivîskar û lîstikvanê şanoyê Hayko Bagdat ku yek ji îmzevanê metna "Em dixwazin hêvî bikin û îhtîmala aştiyê mezin bikin" got: "Divê her kes ji bo aştiyê berpirsyariya xwe bi cih bîne. Em ê ji bo vê her tim bitêkoşin."