Serokê Komîteya Amadekar a Newroza Stenbolê Veysî Eskî diyar kir ku hêvî û hesreta gel a aştiyê tevî hemû neyîniyan jî xurt e û got ku armanca wan ew e ku li Yenîkapiyê mazûvaniya milyonek kesî bikin.
Hevseroka DEM Partiyê ya Konyayê Hikmiye Devrîm banga pîrozkirina Newrozê li navçeyên Konya û Kuluyê kir û got: "Em di vê Newrozê de li ser bingeha demokratîkbûn û aştiyê peyamekê bidin welêt."
Endamên Komîteya Amadekar a Newrozê ya Edeneyê banga tevlibûna pîrozbahiya Newrozê ya 23'yê Adarê ku wê li navçeya Seyhanê bê lidarxistin kirin û gotin: "Em bi hev re agirê Newrozê pêxin."
Prof. Dr. Baskin Oran diyar kir ku ji bo çareseriya pirsgirêka kurd pêdivî bi demokrasiyê heye û got: "Yê ku destekê nade AKP'ê û qesrê, tên bêdengkirin. Pêvajo di hawirdoreke wiha de pêvajo nabe."
Hevşaredarê Bajaroka Xelfeliyê Hasan Sefa ku li şûna wî qeyûm hatibû tayînkirin û hatibû girtin, tehliye bû.
Ji bo Newroza Amedê ya sibê wê bê pîrozkirin amadekarî temam bûn.
Di rojbûna Rojîn Kabaîş de bavê Nîzamettîn Kabaîş ku çû ser gora keça xwe diyar kir ku divê sûcdar demildest bên dîtin û darizandin.
Hevseroka Giştî ya DEM Partiyê Tulay Hatîmogûllari ji bo piştevaniyê çû serdana ÎBB’ê û got: “Li cihekî demokrasî lê tune be, mirov nikare behsa aştiya civakî bike.”
Wekîla DEM Partiyê Pervîn Buldan di Newroza Rihayê de got: “Gelê Kurd dixwaze li xakeke azad bijî. Kurd dixwazin nasnameya wan were naskirin û birêz Ocalan azad bibe.”
Wekîlê DEM Partiyê Mîthat Sancar di pîrozbahiya Newrozê ya li Artukluyê de axivî û got: “Têkoşîna aştiyê, têkoşîna demokrasiyê ye. Heke pergaleke xwe dispêre wekhevia gelan were avakirin dê aştî bê.”
Hevseroka DBP'ê Keskîn Bayindir gel vexwend pîrozbahiya Newrozê ya ku wê sibe li Amedê were lidarxistin û wiha got: "Em bawer in ku em ê peyama birêz Ocalan a Newrozê guhdar bikin. Sibê Newroz dê ji milyonan re deriyê aştiyê veke."
Di axaftinên Newroza Dêrsimê de li dijî binçavkirin, girtin û zextan banga têkoşîna hevpar hate kirin.
Li Erdexan, Tatos, Milazgir û Kerboranê gel bi coş Newroz pîroz kir. Hevberdevka HDK'ê Meral Daniş Beştaş li Tatosê axivî û wiha got: "Em dibînin ku pêwîstiya herî lezgîn a vî welatî bingeha siyasî û hiqûqî ye."
Elîf Bulut a Dem Partiyî di Newroza Cizîrê de axivî û got ku banga Rêberê Gelê Kurd Abdullah Ocalan rêyeke nû vekir.