Partiya Demokratîk a Gelan (HDP) û Partiya Çepên Kesk li Navenda Giştî ya HDP’ê civîna hevpar a Lijneya Rêveberiya Navendî (MYK) li dar dixin. Hevserokên Giştî yên HDP’ê Pervîn Buldan û Mîthat Sancar û Hevberdevkên Partiya Çepên Kesk Çîgdem Kiliçgun Uçar û Îbrahîm Akin civînê birêve dibin. 

 

Hat zanîn ku di civînê de dê rojeva xeta têkoşînê ya nû û jinûvesazkirina partiyê ya ji herêman ber bi navendê ve werin nirxandin. Hat gotin ku di civînê de her wiha dê têkildarî encamên civînên HDP û Partiya Çepên Kesk bi Meclisa Partiyê û hevserokan re kirin jî plansaziyek were kirin. Di heman demê de di civînê de dê plansaziya civînên bi gel re û konferansan jî were kirin.