Parlamentera HDP’ê ya Stenbolê diyar kir ku guhertina yasaya înfazê di nava civakê e rê li ber hêrs û bertekê vekiriye û got: “Pêwîste Meclîs ji bo girtîgehan bi lezgînî bicive û guhertina yasayê pêk bîne.”
Parlementer CHP'ê Tûran Aydogan ku partiya wî hewl dide ji bo qanûna înfazê ya nû serî li AYM'ê de, ji bo AYM'ê got: "Em pev re bibînin ka wekî saziyeke hiqûqê tîk disekine an wê di bin erkê de bieciqe."
Cîgirê Serokê Giştî yê CHP'ê Yildirim Kaya, AKP krîza nebirêvebirinê ya bi şewba coronayê re kûrtir bûye, dixwaze bi tayinkirina qeyûman a şaredariyên muxalif, bi astengî û lêpirsînan ji derheqê wê derkeve.
Komîsyona Mafê Mirovan û Hiqûqê ya HDP’ê, ji bo nûçeya bi sernavê “Jina ku di temenê biçûk de zewicî li benda roja ku hevjînê wê ji girtîgehê bê berdanê ye” ya Ajansa Anadolûyê serlêdana sûc kir û daxwaza ku doza cemaweriyê bê vekirin kir.
Hevseroka Giştî ya HDP'ê Pervîn Buldan, li dijî daxuyaniya Serkokê Melîsa Tirkiyeyê Mustafa Şentop a ji bo zagona înfazê got 'Bi vîna meclîsê derket' bertekên xwe anî ziman û got: “Ev zagon tenê bi biryara AKP-MHP’ê derket. Bi vê zagonê tacîzkar, tecawizkar û qatîl serbest hatin berdan."
Parlamenterê HDP’ê Mûrat Çepnî, diyar kir ku sûcdarên edlî ku hatine berdan dest bi sûcan kirine û wiha got: “Desthilatê ji bo parastina ewlehiya xwe bi hinceta şewbê hêzên paramîlîter ji girtîgehan derxist.”
Serokê Herêma Kurdistanê Nêçîrvan Barzanî ragihand ku şandina hêza pêşmergeyan a ji bo Zînî Wertê demkiye. Barzanî parast ku ne pirsgirêkek bê mezinkirin e û got: “PKK li Herêma Kurdistanê ne hêzek rewa ye. Ne rewa ye û wê li Herêma Kurdistanê ev firset jî neyê dayîn.” Barzanî êrîşa TSK'ê ya li herêmê neanî rojevê.
Kongreya Civaka Demokratîk (KCD), diyar kir ku hêzên emperyalîst û mêtînger her çend Kurdistan bi awayekî fîzîkî kirin 4 perçe jî dê nikaribin civaka Kurdan bi awayekî Neteweyî perçe bikin. KCD'ê bang li gelê Kurd û hêzên navdewletî kir û got: "Ji ber kaos û aloziyên li herêmê biqewimin, dê wekî gelê Kurd, aştiya herêmê jî zirarê bibîne. Gelê Kurd mifteya aşitiya siyasî, çandî û civakî ya li ser axa Anatolya û Mezrabotan e. Hewla perçekirina Kurdan, hevsengê xirakirina aşitiya li ser vê erdnîgariyê ye."
TEV-DEM’ê êrişên Tirkiyeyê yên li dijî kampa Mexmûrê şermezar kirin û diyar kir ku êriş ji ber bêdengiya hikumetên Bexda û Hewlêrê ye. TEV-DEM`ê da zanîn ku di nava dewletên cîhanê de herî zêde Tirkiye dijminatiya îradeya gelan dike û rewşa heyî li dijî îradeya gelê Mexmûrê bi kar tîne.
Endamê Komîteya Navendî ya PDKS’ê Gêlo Îsa, têkildarî êrîşa hewayî ya TSK'ê ku li herêma Zînê Wartê û Mexmûrê nirxandin kir û bang li partiyên herêma başûrê Kurdistanê kir ku berjewendiyên gelê Kurd di ser nelihevkirinên partiyatî yên teng re bigirin.
Alîkara Hevseroka Giştî ya HDP’ê Tulay Hatîmogûllari, derbarê Komkujiya Meletiyê de daxuyanî da û got: “Em canên ku berî 42 salan hatin qetilkirin bi rêzdarî bi bîr tînin û carek din Komkujiya Meletiyê lanet dikin.”
Desteya Karê Hevbeş a 3 partiyên Kurdistanê li diji êrîşên Tirkiyeyê yên li ser axa Herêma Federe ya Kurdistanê û Mexmûrê daxuyanî da û êrîş şermezar kirin.
Parlamentera HDP'ê ya Êlihê Feleknas Uca, diyar kir ku li nexweşxaneyên Êlihê ya ku nifûsa wê 600 hezar in, cîhazê PET-BT tune ye û ji Wezîrê Tenduristiyê Fahrettin Koca pirsî ku çima ev cîhaz tune ye.
Berdevka HDP'ê Ebrû Gunay, êrîşa li dijî Mexmûrê şermezar kir û xwest ambargoya li ser Mexmûrê bi lez bi dawî bibe. Gunay, anî ziman ku her çend hevî bikin ku di nava 2 mehan de ev şewb bi dawî bibe jî heta derzî û tedawiya wê neyê dîtin dê tenduristiya civakê tehdît bike.
Parlamenterê CHP’ê Kanî Beko, diyar kir ku di pêvajo şewbê de 5 mîlyon û nîv kesî karê xwe winda kirin û got: “Nêzî 10 mîlyon kes bêkarin û hikumet mirovan ber bi xizantiyê ve dibe.”