Piştî AKP-MHP'ê pêşniyarnameya "Zagona Îtifaqê" ya ji bo îtîfaqa hilbijartinê xistin rojevê, bertek û nerazîbûn jî zêde bûn. Nûnerên partiyên siyasî yên CHP û HDP'ê bertek nîşanî vê pêşnûmayê dan û diyar kirin ku bi vê guhertinê dê ewlehiya hilbijartinê ji holê rabe.
Alîgirê Serokatiya Giştî ya Saadet Partiyê (SP) Bîrol Aydin, diyar kir ku wê tifaqa AKP-MHP'ê bi kêrî civakê neyê û got: "Ne hewceyî gotinê ye, jixwe her tişt li holê ye."
Berdevkê HDP’ê Ayhan Bîlgen destnîşan kir ku helwesta Tirkiyeyê ya li dijî biryara agirbesta NY’yê neberpirsî ye û got: “Divê hûn biryara destnîşankirina ‘hemû Sûriyeyê’ bibînin û Efrînê jî dixe nava xwe. Divê hûn bizanibin û sekna pêwîst nîşan bidin.”
Hevserokê Giştî yê HDP’ê Sezaî Temellî di komcivîna partiya xwe ya heftane de axivî û der barê salvegara darbeya 28’ê Sibatê ya postmodern de got: “Yên di 1997’an de bûn mexdûrê wan tangan, îro ji wan tangan hawarê dixwazin.”
Wekîla HDP'ê ya Edeneyê û endama Komîsyona Makeqanûnê Meral Daniş Beştaş, pêşniyar qanûna hevkariya hilbijartinê ya di navbera AKP û MHP'ê de wekî "peymana berjewendiyên danûnstandinê" pênase kir û referanduma 16'e Nîsanê bi bîr xist û got: "Dê heta dawiyê derî ji hîleyên hilbijartinê re vekirî bihêlin."
Wekîla berê ya Partiya Civaka Demokrat a Alman (SPD) Lale Akgun, destnîşan kir ku Erdogan bi rêya tirk, bazirganiya çekan û penaberên li welat, polîtîkaya alman dîl girtiye.
Parlamentera HDP’a Şirnexê Leyla Bîrlîk, di 1’emîn Kongreya Asayî ya DBP’a Mêrsînê de axivî û got: “Êrîşa li dijî Efrînê, êrîşa li ser keda sedsalan a gelan, pêşengtiya jinan, jiyan û pergala nû ye.”
Hevberdevkê HDK’ê Onur Hamzaoglu, ji Girtîgeha Sîncanê name ji civîna Meclîsa Giştî re şand û got: "HDK êdî ji meşa çarpiyan derabsî ser piyan bûye. Em dê bi hevre bi aqil, tifaq û dilê xwe ronî bikin."
HDP’ê dîmenê cotkarê li Efrînê ji aliyê komên OSO’yê ve hat qetilkirin û li ser medya civakî hat parvekirin, bir rojeva Meclîsê.
Serokê Giştî yê Partiya Azadiya Kurdistanê (PAK) Mustafa Ozçelik, der barê binçavkirin, girtin û êrîşên li ser nirxên kurdan civîna çapemeniyê li dar xis û got: "Îro armanc dikin ku hemû destkeftiyên kurdan ji destê wan bigirin. Destkeftiyên kurdan dikin hedef."
Hevseroka Giştî ya HDP'ê Pervîn Buldan, diyar kir ku Tirkiye bi krîzek mezin re rû bi rû ye û ber bi zinar (întîharê) ve tê dahfdan. Buldan, destnîşan kir ku rêya çareseriyê rakirina tecrîda li ser Rêberê PKK'ê Abdullah Ocalan e û tenê Ocalan dikare Tirkiye ji vê talûkeya ser lêva zinar rizgar bike.
Berdevkê HDP'ê Ayhan Bîlgen, têkildarî operasyona li dijî Efrînê diyar kir ku ev dibe sedema ku têkiliyên navbera Tirkiye û Sûriye zerarek mezin bibîne û wiha got: "Ev yek dê qutbûna navbera kurd û tirkan kûr bike. Tirkiye dê di qada navneteweyî de bi sûcdariya şer bê nasîn."
Berdevkê HDP’ê tifaqa AKP’ê û MHP’ê ya hilbijartinê nirxand û got: “Ev rêbaz dê rewabûna hilbijartinê ji holê rake. Lê dê HDP jî meşa xwe bi leztir bike.”
Hevserokê KCD'ê Berdan Ozturk îdianameya der barê Hevseroka KCD'ê Leyla Guven de hatiye amadekirin nirxand û bertek nîşanê gotina qaşo "Kurdistan" da û ev tişt got: "Kesên ku Kurdistanê wekî cudakariyê dibînin, ew bixwe cudakariyê dikin."
Aktîvîsta TJA'yê Gulcîhan Şîmşek operasyon û binçavkirinên demên dawî yên li dijî siyasetmedarên jin nirxand û aşkera kir ku desthilatdariyê li dijî siyaseta demokratîk û jiyana azad a jinê şer îlan kiriye.