Hevseroka DBP’ê Saliha Aydenîz operasyona ku artêşa tirk bi hevkariya PDK’ê li başûrê Kurdistanê daye destpêkirin nirxand. Aydenîz, hevkariya PDK’ê weke “îxanet” pênase kir û wiha got: “PDK bi helwesta xwe zirarê dide yekitiya neteweyî ya gelê kurd.”
Hevseroka Giştî ya HDP’ê Pervîn Bûldan diyar kir ku ji bo îktidar xwe li ser pêya bigire şer didomîne û got: “Îktidara ku her tim xwe ji krîz û şer têr dike, şer vediguhezîne Rojhilata Navîn dike.”
Hevserokê Giştî yê HDP’ê Mîthat Sancar, destnîşan kir ku Tirkiye ber bi pêşerojeke tarî ve diçe û anî ziman ku xelasî di Tifaqa Demokrasiyê de ye.
Berdevka HDP'ê Ebrû Gunay bal kişand ser êrişên Tirkiyeyê yên li dijî herêmên Başûrê Kurdistanê û wiha got: "Ev şer darbeyek mezin li tifaqa gelê kurd û statûya Başûrê Kurdistanê dixe. Divê gelê Başûr û hemû partî û sazî û rêveberiya Başûr li ber vî şerî rabin."
Hevserokê KNK'ê Ahmet Karamus diyar kir ku mebesta Tirkiye, NATO û PDK ya ji êrişa dawî ew e ku têkoşîna gelê kurd bişikînin û wiha got: “PDK’ê dijminatiya xwe ya li gelê kurd îlan kir. PDK dixwaze Başûr bike vîlayeta Tirkiyeyê.”
Hevserokê Giştî yê HDP’ê Mîthat Sancar diyar kir ku îktidarê li dijî Herêma Kurdistanê ne operasyona derveyî sînor, polîtîkaya şer ku dixwaze xwe pê li ser pêya bigire daye destpêkirin û dixwaze herêmê di nava şer de bihêle.
Meclisa Partiyê ya HDP'ê, ji bo êrişa ku li dijî Başûrê Kurdistanê hat destpêkirin got ku yek ji êrişên 40 sal in berdewam dikin û neçareseriyê kûrtir dikine û ev daxuyanî da: "Ev şer ne ji bo selametiya welat ji bo selametiya AKP-MHP'ê ye."
Parlamenterê HDP'ê Huseyîn Kaçmaz diyar kir ku çavkaniya pirsgirêkên li welêt polîtîkaya tecrîdê ye û got: "Wê polîtîkaya şer çi li vî welatî zêde bike? Mifteya çareseriyê li Îmraliyê ye."
Serokwekîla Koma HDP'ê Meral Daniş Beştaş, derbarê operasyona li dijî başûrê Kurdistanê de ev tişt got: "Rêya veşartina ser birçîbûn, xizanî, bêkarî û cinayetan xistina dewrê ya polîtîkayên şer e. Sedama vî şerê neçarserkirina krîza navxweyî ye."
Hevserokê Giştî yê HDP’ê Mîthat Sancar diyar kir ku aqûbeta AKP’ê jî dê ji aqûbeta desthilatdariyên ku di neçareserkirina pirsgirêka kurd de israr dikirin û hewl didan siyaseta demokratîk tesfiye bikin cudatir nebe û wiha got: “Dem dema bi cih anîna peyamên Newrozê ye.”
Hevserokê Giştî yê HDP’ê Mîthat Sancar bertek nîşanî opeasyonên li dijî partiya wan da û got: “Desthilatdariyê alîkarî da DAIŞ’ê û me jî alîkarî da kesên li Kobanê li dijî DAIŞ’ê şer dikirin. DAIŞ, têk çû û gelê Kobanê bi ser ket.”
Rêxistina HDP’ê ya Wanê têkildarî zextên li ser partiya wan û mirinên li girtîgehan daxuyaniyek da. Di daxuyaniyê de hat destnîşankirin ku dê armanca desthilatdariyê ya ji operasyonên qirkirina siyasî hasil nabe.
Parlamenterê HDP’ê Alîcan Onlu, tundiya polîsan a li Dêrsimê kiribû, bir rojeve Meclîsê.
Serokwekîlê Koma HDP’ê Sarûhan Oluç wêneyên serdegirtina avahiya HDP’ê ya Cizîrê nîşan da û wiha got: “Ev çi barbarî ye wiha? Hûn nikarin vîna gelê ku qada Newroza Cizîrê dagirtî bişikînin.”
Parlamenterê HDP’ê Hişyar Ozsoy mirina bi guman a girtî Mehmet Sevînç bir rojeva Meclisê û vê pirsê kir: “Gelo şûştina cenaze qedexe ye?”