Mamosteyên teqawît ên meaşê wan ji sedî 8,6 zem bû, bal kişandin ser qeyrana aborî û diyar kirin ku di salekê de zexîre ji sedî 50 zem bû. Ji mamosteyê teqawît Îsmet Yalçinkaya, diyar kir ku zexîreyê ku sala par 50 dida îsal 100 tl dide û daneyên TUÎK'ê ne rast in.
Xwediyên kafeyan ku ji ber şewba Covîd-19'ê tenê destûra wan a serwîsa pakêtan heye, diyar kirin ku hikûmetê alîkariya wan nekiriye û got: "Ma em çayê bikin pakêt û bifiroşin?"
Şaxa SES’ê ya Amedê, bertek nîşanî sererast nekirina aboriyê, şert û mercên xirab ên kedkarên tenduristiyê tê de dixebitin da û li dijî vê yekê li ber nexweşxaneyê dest bi çalakiya rûniştinê kir.
Perwerdekarên ku di Fabrîkeya Pîşeyî ya Şaredariya Bajarê Mezin a Îzmîrê de dixebitin, diyar kirin ku ji ber ku niha kurs tune ne meaş jî nagirin û heqê sîgorteya wan jî nayê dayîn.
Huseyîn Beyoglû yê AKP'î ku bi destê YSK'ê bû Şaredarê Şaredariya Rezanê, piştî ku qaseya şaredariyê vala kir, dest bi firotina erdên şaredariyê kir. Di du salan de 17 parsêl eraziyê şaredariyê bi 20 milyon TL'yî firot û eraziyê ku bihayê wî 11 milyon û 665 TL ye jî daye ber firotinê.
Esnafên Amedê anîn ziman ku ji ber şewbê û krîza aborî zehmetiyê dikişînin. Esnafan destnîşan kir ku hikûmetê tu alîkarî nekiriye û hindik mane derabeyên xwe deynin.
Serokê Giştî yê BTS'ê Mûrat Oral, ji bo dewrkirina qada lîmanê ya sîrkeciyê ku dewrî Weqfa Yeşîlayê hatiye kirin, anî ziman ku bi temamî ji bo rantê ye û ev qad divê ji bo rêya tirênê bê bikaranîn.
Komîsyona Aborî ya HDP’ê zamên di sersala nû de hatin kirin, yeke bi yek aşker kir û diyar kir ku ew bi barîna zaman re ketin sala nû. HDP’ê xwest, ev zam bên betalkirin.
Li Beyoglûyê bi sedan esnafan darabeyên xwe girtine û esnafên ku darebeyên negirtine jî amadekarî dikin ku bigirin. Esnafan, diyar kir ku ji bo jiyana xwe şerê man û nemanê didin û ev tişt gotin: “Bila desthilat berçavkên hespan derxe û li gelê ku dibêje ‘Birçî me’ binêre.”
Esnafên Stenbol û Kocaeliyê anîn ziman ku tevdîrên hatine girtin pişta esnafan şikandiye û ji ber vê gelek esnafan îflas kiriye.
Welatiyên Wanê, diyar kir ku bi zêdebûna 500 TL’yî ya bihayê asgarî mehkûmê birçîbûnê hatine kirin û ev bertek nîşandan: “Li Qesrê her tişt heye. Dema dor tê welatî dibêjin ‘tune’ ye.”
Li Bazîdê esnafên bazara gel ku ji ber krîza aborî û şewbê êdî nikarin tu karî bikin, diyar kirin ku tekane hêviya wan deriyê sînor e.
Amediyan nerazîbûna xwe ya ji bo meaşê kêm ê nû hat diyarkirin anîn ziman û gotin: "Mirov, dê hîn bêtir xizan bibin." Serokê DÎSK'ê yê Şaxa Jimare 2 a Amedê Hasan Hayrî Eroglû jî got: "Cardin kedkar mehkûmî kedxwariyê hatin kirin."
Dîwana Muhasebetaê di rapora xwe ya derbarê Şaredariya Bajarê Mezin a Rihayê de destnîşan kiriye ku li dirûiyetên ku divê karmendên bikadro bên tayînkirin, karmendên bipeyman hatine tayinkirin û mesaiya karkeran jî hezar saet hatiye kirin.
Esnafên jin destnîşan kirin ku bi salan e bi baca xwe dewletê xwedî dikin, lê dewletê nikaribûye 2 mehan debara wan bike.