Esnafên Çarşiya Kemeraltiyê diyar kirin ku rewşa karê wan ne tu rewş e. Welatiyan jî destnîşan kir ku ew nikarin tiştekî bikirin. Welatiyan bal kişand ser krîza aborî û bilêv kirin ku berê wan bi kîloyan tişt dikirîn, lê niha bi heban dikirin.
Şaxa Sendîkaya Kedkarên Tenduristiyê û Xizmetên Civakî (SES) ya Amedê li avahiya xwe têkildarî bêhûqûqî û nelirêtiya li Muduriyeta Bajêr a Polîtîqayên Civakî û Malbatê ya Amedê civîna çapemeniyê li dar xist.
Kedkarên KESK’ê ji bo mafê keda xwe biparêzin wê di 24'ê Gulanê de li pêş Wezareta Xizmeta Civakî, Xebat û Malbatê ya Enqereyê kom bibin û doza mafê xwe bikin. Serokê Şaxa Egîtîm Sen'ê ya Mûşê Îlyas Aslan, diyar kir ku wekî kedkar ji bo li ked û pêşeroja xwe xwedî derkevin wê bimeşin Enqereyê.
Şaredariya Bajarê Mezin a Amedê, ji bo pêşxistina çandiniyê û hilberandina hingiv, boriyên avê û holikên mêşvanan ên bi enerjiya rojê li cotkaran berbelva kir.
Parlamenterê HDP'ê yê Îdirê Habîp Eksîk, diyar kir ku Walîtiya Erdexanê, bi qedexeya zozanan gelê Îdirê tecrîd dike û wiha got: "Li vir tenê debara gel sewalkarî ye. Bi vê qedexeyê sewalkarî tune dibe. Bi qedexeya zozanan ne tenê mirovan sewalan jî tecrid dikin."
Rençberên Kobanê piştî şitilên di bin serayan de çandin mezin bûn, dest bi çandiniya baxçeyên sebzeyan kir. Rençberên Kobanê li bendê ye ku mehek din dest bi komkirina berhemên baxçeyan bikin.
TUSÎAD, têkildarî krîza aboriya ya her diçe kûr dibe, berberiya di nava civakê de û betalkirina hilbijartina Stenbolê, bi awayekî aşkere hikûmet rexne kir û got: "Derbaskirina vê krîzê girêdayî rastkirina pergala edalet û hiqûqê ye."
Li gorî daneyên TUÎK’ê, di meha Sibatê de li gorî daneyên heman dema sala borî, hejmara bêkaran bi qasî milyon û 37 hezar kesî zêde bûye û derketiye 4 milyon û 73 hezar kesî. Li gorî vê yekê rêjeya bêkariyê jî bûye ji sedî 14.7’an.
Ligel ku 15 meh di ser gotina Serokkomar Erdogan a “Dê qedexeyên zozanan rabin” re derbas bûn jî, hîna bi sadan zozan qedexe ne. Gundiyên ji Colemêrgê yên necar man ku ji ber qedexeyên zozanan, sewalên xwe bifiroşin, xwestin êdî zozan azad bin.
Esnafên bazarê diyar kirin ku meha di meha Remezanê de jî kar tune ye û got: "Fiyetên zbze û fêkiyan û fiyetên zêran ketine ber hev."
Nûnera Dev Maden-Sen a Herêma Egeyê Hacay Yilmaz, diyar kir ku sedema serbestberdana berpirsê Komkujiya Soma Can Gurkan kêmasiyên muxalefetê ye û wiha got: “Doza Soma carek din nîşanî me da ku têkoşîna karkeran a bi edalet dikare bi ser bikeve."
Li navçeya Yakûtiye, hem esnafên bazarê û hem jî welatiyên tên bazarê ji rewşa aborî nerazî ne. Welatî Bunyamîn Gulluce got: "Ev heqê min e. Çimkî min jî denegê xwe da AKP." Welatî Ebûbekîr Kiran jî got: "Hingî we ew parast halê me ev e."
Li herêma Çiyayê Cûdî ya Şirnexê di kaneke komirê de hezanê rû da û karkerekî jiyana xwe ji dest da û karkerek jî birîndar bû.
Parêzerê Karesata Somayê Selçûk Kozagaçli, diyar kir ku diviya berpirsiyar ji ber "qesda muhtemel" bihatana cezakirin lê belê ji dêvla vê bi "îhamalkariyê" hatine darizandin û ji ber vê Can Gurkan hatiye berdan. Kozagaçli, destnîşan kir ku ew ê tevî malbatan heta dawiyê bitêkoşin.
Aborînas Mustafa Sonmez, bandora betalkirina hilbijartina Stenbolê ya li ser aboriya Tirkiye nerxand û wiha got: “Ji vê saetê û şûnde dibe abori ji kontrolê derkeve. Her çend faîzê zêde bikin û zêdebûna Dolar kontrol bikin jî li vê bendavê av nabe gol. Wê ev bendav hilweşe."