Karkerên pêlavan çêdikin ji bo heqdesta wan bê zêdekirin dev ji kar berdan, diyar kirin heta daxwazên wan pêk neyên ew ê bitêkoşin. Serokê Komeleya Piştevaniyê Mûstafa Ozay anî ziman ku di demên dawî de 200 atolye hatine girtin û 3 hezar û 600 karker jî betal mane.
Esnafên li Agirî ji ber krîza aborî hindik mane top bavêjin. Esnafan diyar kir ku êdî nikarin çayekê jî vexwin û ji bo başkirina rewşa aboriyê îktîdr dereng maye.
Parlamenterê HDP'ê yê Mêrsînê Ridvan Turan, qebûlkirina butçeya 2019'an ku ji aliyê meclîsê ve bêyî guhertin hat erêkirin nirxand. Turan, der barê butçeya ku muxalefet wekî butçeya şer pênase dike wiha got: “Butçeya 16 wezîran amade kir meclîsê wekî wê qebûl kir. Ev nîşan dide ku meclîs dûvê Qesrê ye."
Seroka Giştî ya DÎSK’ê Arzû Çerkezoglu bertek nîşanî binçavkirina rêveberên sendîkayan duh li Enqereyê pêk hat da û got: “Rêveberên sendîkayan ên hatin binçavkirin bila demildest bên berdan.”
Karkerên tekstîlê yên pirsgirêkên debarê dijîn, di heman demê de li dijî krîza aborî liber xwe didin. Mûzaffer Uzer, diyar kir ku ew nikarin debara xwe bikin û got: “Di dawiya hefteyê de jî em necarin ku bixebitin.” Pamûk Coşkûn jî, anî ziman ku ew nikarin biçin bazarê û kirêya malê bidin.
Meclîsa ÎSÎG’ê bi minasebeta 25'e Mijdarê Roja Têkoşîn û Piştevaniya Navnetreweyî ya Li Dijî Tundiya li Ser Jinan rapora derbarê cînayetên kar ên jinan de amadekiribû weşand û got: “Di cînayetên kar ên 10 mehên dawî yên sala 2018’an de 92 jinan jiyana xwe ji dest dan.”
Seroka Giştî ya DÎSK'ê Arzu Çerkezoglu, di 2'emîn Konferansa Navneteweyî ya Tenduristiya Karkeran û Ewlehiya kar de bal kişand ser cînayetên kar û diyar kir ku sedema cînayetên kar hişmendiya sermayedaran e.
Piştî derket holê zeytûn û rûnê zeytûnan ji Efrînê anîne, gelek derdoran bertek nîşan da. Serokê Sendîkaya Gida-Îş'ê Seyît Aslan pirsî: "Qey ji bo OSO bê fînansekirin ev zeytûn anîn?"
Meclîsa ÎSÎG'ê li ser hesabê medya civakî diyar kir ku li Îspartaye karkerê înşaetê yê 27 salî Adem îşler ê bavê 3 zarokan ji qatê 6'an ket xwar û jiyana xwe ji dest da.
Ji ber bihabûna fiyetên perçe û malzemeyên wesayîtan, esnafên Sîteya Sanayiyê ya Rihayê diyar kirin ku rewşa wan nebaş e. Esnafn got: "Li welat tim krîz hebû, lê krîza vê carê tiştekî din e."
Aborîzan Prof. drç Ahmet Şahînoz, Rapora Bergehî ya Aboriyê ya OECD'ê ya 2018'an nirxand û destnîşan kir ku li Tirkiyeyê unsûrên taleba hundurîn hemû hindik mane rawest in û her biçe wê aborî tengtir bibe.
Li ser giliyên li Lijneya Venêrtina Cemaweriyê hatin kirin, hat diyar kirin ku lijne dê mijara ku karmendên bi KHK'ê hatin îxrackirin, dikaribin di sektorên taybet de bixebite têxe rojeva xwe.
Ji ber krîza aborî di salekê de 5 caran ceryan hat bihakirin. Esnafan anî ziman ku fatûreya krîzê li wan tê birîn.
Rêveberê Haber Sen'ê Denîz Salmanli, diyar kir ku bi guhertina TRT'ê ya bi Biryarnameya Serokomariyê ya hêjmar 703'an, bi awayekî fîîlî kirine şîrket û wiha got: "TRT ya gel e. Divê xizmeta gel bike. Mecbûre xizmeta gel bike."
Rêxistina HDP'ê ya Bismilê xwest Komxebata Çotkaran pêk bîne. Lê Qeymeqamê Bismilê bi hinceta “Parastin û ewlehiya cemaweriyê" destûr neda.