BEDLÎS - Li derûdora Gola Kratera Nemrûdê şewat derket û bi mudaxileya geştiyaran û tîmên agirkujiyê hat kontrolkirin. 

 

Li derûdora Gola Krater a Nemrûdê bi ser navçeya Tetewana Bedlîsê ve agir bi daristanê ket. Gola Krater a Nemrûdê di cîhanê de gola duyemîn a mezin e û li Tirkiyê jî gola herî mezin e. Her sal bi sedan geştiyar diçin serdana golê. Geştiyaran mudaxileyî agir kirin û kontrol kirin. Pişt re jî agahî dan tîmên agirkujiyê. 

 

Çend roj berê Gola Kratera Nemrûdê bi biryara Serokkomariyê hildan bin parastina “Qada Hesas a ku Teqez Were Parastinê.” 

 

Miduriyeta Daristanan a Bedlîsê daxuyanî da û ragihand ku şewat hatiye kontrolkirin.