NAVENDA NÛÇEYAN – Endamê Meclisa Şaredariya Zurîhê Yves Henz işaret bi banga Abdullah Ocalan kir û got: "Niha ji pêkanîna aştiyê û bidawîkirina vê dîktatoriya li ser gelê kurd, berpirsyar hikûmeta tirk e."
Li Amedê di 21'ê Adarê de bi dirûşmeyên "Rêbertiya Azad Civaka Demokratîk" û "Ji bo Azadiyê Civaka Demokratîk" pîrozbahiya Newrozê hat lidarxistin. Newroza ku banga Rêberê Gelê Kurd Abdullah Ocalan "Banga Aştî û Civaka Demokratîk" mohraxwe lêxist, bi beşdariya gelek siyasetmedar, sendîkavan û nûnerên saziyên sivîl ên ji Fransa, Katalonya, Îspanya, Îrlanda, Belçîka, Federasyona Elmanya, Îtalya, Kenya, Çekya, Hindistan, Îraq, Misir, Îran, Lubnan, Iraq, Lîbya, Tûnûs û Herêma Kurdistana Federe beşdar bûn. Di nava mêvanan de Endamê Meclisa Şaredariya Zurîhê ya Swîsreyê Yves Henz banga Abdullah Ocalan ji bo Ajansa Mezopotamyayê (MA)nirxand.
Yves Henz diyar kir ku ew wekî aktivîstekî ekolojiyê bi demokrasî û têkoşîna azadiyê ya gelan, bi taybet gelê Kurd re di nava piştevaniyê de ye û got ku ew ji kurdên ku ji ber zextên Tirkiyeyê neçar man koçî Swîsreyê bikin, fikra “modernîteya demokratîk” a Abdullah Ocalan û tevgera kurd hîn bûye. Yves Henz bilêv kir ku di rastiyê de têkoşîna ji demokrasî, ekolojî û azadiya jinê jî nirxên min dide der. Ji ber vê yekê ji bo min cihê kêfxweşiyê ye ku bi gelê kurd û tevgera kurd re têkoşîna demokrasî, ekolojî û azadiya jinê dimeşînim."
'BERPIRS HIKÛMETA TIRK E'
Henz bal kişand ser berpirsyariya ku piştî banga Abdullah Ocalan ketiye ser milê Tirkiyeyê û got: "Gelê Kurd ji bo aştî, demokrasî û azadiya gelan amade ye. Lê niha ji pêkanîna aştiyê, azadiya gelê Kurd û bidawîkirina vê dîktatoriya li ser gelê Kurd berpirsyar e."
Henz bal kişand ser êrişên PKK'ê yên li gel biryara agirbestê jî berdewam dikin û got: "Em difikirin ku dewleta tirk xwedî nêzîkatiyeke gelekî hovane ye û ne jidil e. Ev şerê li dijî gelê kurd bi tu awayî nayê qebûlkirin."
Henz ku got "Azadiya Abdullah Ocalan ji bo aştî û bextewariyê girîng e" bal kişand ser berpirsyariya hêzên navneteweyî û got: "Azadiya hemû gelên cîhanê bi hev ve girêdayî ye. Rojavayê cîhanê, bi taybetî bi kevneşopiya xwe ya emperyalîst û bi desteka emperyalîzm û faşîzma tirk re, divê bibe parçeyek ji çareseriyê û ji bo aştî, demokrasi û demokratîkbûna herêmê gavan bavêje."
Henz bang li hemû mirovahiyê kir ku ji bo demokrasî, azadiya jinê û azadiya hemû mirovahiyê bi hev re têbikoşin û got: "Em ê bi hev re bi ser bikevin."
MA / Hîvda Çelebî