HDP ya şerh danî ber sererastkirinên têkildarî tundiya li ser jinê ya di teklîfa qanûnê ya anîn de cih girtin wiha got: “Heke tê xwestin pêşî li şîdeta li hemberî jinê were girtin, divê desthilat dest ji xeta xwe ya siyasî ku serdestiya mêr mezin dike berde.”
Li navçeya Esenyurtê zilamê bi navê Alpaslan Ç., naverasta kolanê Kader G. revand û qetil kir.
Seroka Komeleya Jinan a Rosayê Adalet Kaya ku gelek caran hat binçavkirin û derbarê wê de gelek lêpirsîn hatin destpêkirin, diyar kir ku ji ber li dijî pergalê zext û zilmê dike, pêşengen muxalefeta têkoşînê birêxistin dike ne di hedefê de ne.
Zilamê bi navê Fatîh Akça, li Susurlukê hevjîna xwe Bîlge Akça û kurê xwe Muhammet Tahir Akça bi çekê qetil kir.
TJA'yê têkildarî 73'yemîn rojbûna Rêberê PKK'ê Abdullah Ocalan daxuyaniyek da û diyar kir ku 4'ê Nîsana ji bo wan tê wateya vejînê û ev bang kir: “Em ê 4’ê Nîsanê bi coşa Newrozê pêşwazî bikin.”
Nûçegihana NINNEWS’ê Şirîn Çinar bertek nîşanî astengkirina malpera wan da û wiha got: “Nûçeyên me wan aciz dike lewma jî asteng dikin. Em ê bibin dengê jinan û dev ji vê yekê bernedin.”
Aktîvîsta TJA’yê Şukran Şen ji bo pîrozkirina rojbûna Rêberê PKK’ê Abdullah Ocalan bang li hemû kesî kir ku berê xwe bidin Amarayê û wiha got: “Di 4’ê Nîsanê de qedera gelê kurd û jinan guherî.”
Jinên ku bi boneya rojbûna Rêberê PKK’ê Abdûlah Ocalan a 73’yemîn hatin gelhev, şitil çandin.
Endama TJA'yê Ulker Ozadîktî, anî ziman ku di Newrozê de bi milyonan kesî doza azadiya Ocalan kiriye û got, niha hewl didin ruhê berxwedêr ê Newrozê veguhêzînin 4'ê Nîsanê.
Li Erziromê Hatîce K., ji aliyê hevjînê xwe ve hat kuştin. Li Stenbolê jî jina bi navê F.T., bi tundiya zilamekî re rûbirû ma.
Baskê Jinên Bijîşk û Tenduristiya Jinan a TTB’ê ku ji du salan carek civata xwe li dar dixe îsal bi mijara krîza ekolojiyê û tenduristiya jinan konferans li Amedê li dar xist. Ekolojîst Beyza Ustun di civatê de axivî û diyar kir ku pergala kapîtalîzmê krîzan diafirîne û got: "Çareserî civaka polîtîkbûyîn e.”
Berdevka Meclîsa Jinan a HDP’ê Ayşe Acar Başaran bang li hemû jinan û gelan kir ku li dijî tifaqa şer tifaqa jinan ava bikin û ev tişt got: "Werin em bi hev re li ser aştî, tifaq û hevgirtina jinan biaxivin."
Endama OGK’ê Tayan Kara ku ji bo Konferansa Jinên Ciwan bang kir, diyar kir ku yekane rêya xelasiyê ya li dijî hişmendiya dewlet û zilam, têkoşîna jinan a birêxistinbûyî ye û hemû jinên ciwan vexwend konferansê.
Dayika girtiyê nexweş Reşît Ûyar, Kudret Ûyar a ku emrê wê 100 salî ye, 3 salin kurê xwe neditiye. Yekane daxwaza Ûyar a rewşa wê ya tendûristiyê jî nebaşe ew e ku cara dawî jî be kurê xwe bibîne.
Hasîp Akbûlût ku hevjîna xwe Muhterem Akbûlût kuştibû û serî li hinceta "derûniya min xirab e" dabû, di doza ku dihat darizandin de hat raporkirin ku cezaî ehliyeta wî tam e.