Pişti Wezîrê Karên Hundir Suleyman Soylu got "Cînayetên li dijî jina kêm bûye" di nava 18 rojan de 16 jin hatin kuştin. Nûnerên rêxistinên Jinan diyar kirin ku piştî vê daxuyaniya Wezîr Soylu hêjmara kuştina jinan zêde bû.
Jin di çarçoveya kampanya "Têkoşîna jinan li her derê ye" ya Meclîsa Jinan a HDP'ê daketin qadan û vê peyamê dan: "Heke li dijî destkeftiyên me êriş hebin yê me jinan jî biryardariya têkoşîn û berxwedanê heye."
18'emîn Mîhrîcana Fîlmên Jinan a Fîlmmorê di 12'ê Hezîranê de onlîne dest pê dike. Mîhrîcana ku ew ê li ser sîteya Fîlmmor webê bê weşandin dê heya 22'yê hezîranê bidome.
Di 3 mehên dawî de 70 jin hatin kuştin, kiryarên wan hatin berdan û rêxistinên jinan û destkeftiyên wan bûn hedef. Parêzer Selîn Nakipoglû, ji bo cinayetên hatine kirin got "qirkirina cinsî" û ji bo vê bang li Wezîra Polîtîkayên Malbat, Xebat û Civakiyê kir ku îstifa bike.
Meclîsa Jinan a HDP'a Amedê têkildarî kampanyaya xwe daxuyanî da. Hevseroka HDP'a Amedê Hulya Alokmen Uyanik daxuyanî da û got: "Tiştên ku ew ê me li ser pêya bigire û birêxistin bike piştevanî û têkoşîna jinan e. Em bangî hemû jinan dikin û em dibêjin em ê bi têkoşîna xwe bibin tirsa îqtîdaran."
Meclîsa Jinan a HDP'ê li dijî êrîşên ku li ser destkeftiyên jinan pêk tên kampanya "Jin li der herê ne" da destpêkirin. Jinan bi dirûşmeya “Em hene, em li vir in, Têkoşîna Jinan li her derê ye" starta têkoşînê da.
TJA û Meclîsa Jinan a HDP'ê li Çinar, Bismil, Farqîn û Erxaniyê betalkirina wekîltiya Leyla Guven û Musa Farisogullari û girtina wan şermezar kirin û gotin: "Îqtîdar bi polîtîkayên zext û zordariyê nikare rê li pêş têkçûna xwe bigire. Em wekî rêhevalên Leylayê carek din dibêjin ku hûn nikarin vîna gel û jinê teslîm bigirin."
Jinên HDP, TJA û HDK’î, girtina parlamenterên xwe şermezar kirin û gotin: “Yên hatin girtin ne kesin vîna gele.” Li Îdirê jî jinan li dijî betalkirina wekîltî û girtina Leyla Guven û Musa Farisogullari daxuyaniyek dan û gotin: "Leyla vîna me ye û em ê li hemberî xespkirina vînê bêdeng nemînin."
Meclîsa Jinan a HDP’ê, li dijî êrîşên li ser destkeftiyên jinan zêde bûne, wê dest bi kampanyaya mehekê dike. Jin, wê di pêvajoya kampanyayê de, li qadan bin.
Parlamentera HDP’ê ya Stenbolê DÎlşat Canbaz, diyar kir ku bi betalkirina wekîltiya Hevseroka KCD’ê Leyla Guven û girtina wê, têkoşîna jinan hedef digirin û got: “Guven sembola têkoşîna azadiya jinane.”
Meclîsên Jinan, li cihê Ayşegul Akturk hat qetilkirin çalakî li dar xistin û bertek nîşan dan.
Di 3 mehên dawî de 2 hezar û 125 jin telefonî xeta lezgîn a Federasyona Komeleyên Jina ya Tirkiyeyê (TKDF) kiriye. Seroka TKDF'ê Canan Gullu, anî ziman ku bi şewbê re şideta li ser jinê zêdetir bûye.
Li gundê Qetka Jêrê ya Giyadînê jina bi navê Zana Polat a ciwan bi awayek gumanbar jiyana xwe ji dest da.
Ç.B.'ya ku Beytar Hasan Bîlgîlî dest avêtiyê û bi gefên sûcdarên ku nehatine girtin re rû bi rû maye, destnîşan kir ku dê dev ji doza xwe bernede û pêdiviya wê bi piştgiriya jinan heye.
Parlamentera HDP’ê Dîlan Dîrayet Taşdemîr, bi bîr xist ku di mehekê de 3 jin bi awayekî bi guman li Agiriyê jiyana xwe ji dest dane û got: “Me bi dehan caran got ku ji bo jinan mal bûne cihê heqaret, tundî û cînayetê.”