Di Konferansa Aştî û Demokrasiyê de ku li Berlîna paytextê Almanyayê hate lidarxistin, ji bo azadiya Rêberê PKK'ê Abdullah Ocalan peyam hatin dayîn û gotin divê Ocalan azad bibe.
Berdevka Meclisa Jinan a DEM Partiyê Halîde Turkoglû di panela bi boneya 1’ê Îlonê Roja Aştiyê ya Cîhanê de axivî û wiha got: “Tekane alternatîfa li dijî şer dê aştiya gelan pêk bîne niha tecrîdkirî ye. Lewma jî rêya têkoşîna aştiyê bi xwebirêxistinkirinê pêkan e.”
Bêrîvanên Zozanê Berçelanê bertek nîşanî fotokpanên ji aliyê leşkeran ve hatine bicihkirin dan û xwestin dawî li vê pêkanînê bê anîn.
Weqfa Aştiyê bi boneya 1’ê Îlonê daxuyanî da û wiha got: “Heta Tirkiye pirsgirêka kurd çareser neke nikare krîzên xwe yên piralî çareser bike. Tirkiye ji her alî ve neçarî aştiya bi kurdan re ye.”
Aktîvîstên mafên mirovan xwestin girtiyên nexweşiyên wan giran Abdulkadîr Kuday û Ayhan Aykaç tavilê bên berdan.
Dayikên Şemiyê di Roja Windakirina Bi Darê Zorê ya Navneteweyî de daxwazên xwe dîsa anîn ziman û gotin ku windakirina bi darê zorê şerma mirovahiyê ye. Dayikên Şemiyê diyar kirin ku ji bo bidawîkirina vê şermê hewceye her kesên xwedî rûmet peywira xwe bi cih bînin.
Hêzên rejîma Îranê kolberê bi navê Asaad Espandar li Baneyê qetil kirin.
Xizmên Windayan û ÎHD li Amedê li serpêhatiya Mehmet Salîm Acar, li Êlihê jî serpêhatiya Alî Gunduz ên bi darê zorê hatin windakirin pirsîn û li Geverê jî li faîlên Saît Akin hat pirsîn.
Emîne Şenyaşar ku çalakiya xwe ya li pêşiya Meclisê didomîne, diyar kir ku heta bi Serokkomar Tayyîp Erdogan re hevdîtinê dike dê çalakiya xwe bidomîne.
Ji zarok Narîn Guran a li navçeya Rezanê winda bûye 11 roj in tu agahî nayên girtin. Têkildarî windabûna Guran, apê wê S.G. di encama serdegirtina malê de hate binçavkirin.
Girtiya nexweş Makbûle Ozer a 82 salî îro hate berdan. Kurê Ozer, Medenî Ozer diyar ki ku dayika wan bêyî agahiyê di saetên serê sibehê de hatiye berdan û wiha got: “Dayika min saetekê li pêşiya girtîgehê hate sekinandin.”
Di êrişên Îsraîlê yên şevên din li dijî Şirîda Xezeyê de herî kêm 29 filistîniyan jiyana xwe ji dest dan. Di encama êrişên Îsraîlê yên ji 7’ê Cotmehê heta niha de zêdetirî 40 hezar filistînî hatin qetilkirin.
Siyasetmedar û nûnerên rêxistinên civaka sivîl ji bo tevlibûna mitînga 1’ê Îlonê ku dê li Qada Şêx Seîd were lidarxistin bang kirin û wiha gotin: “Pêdiviya gelen bi aştiyê heye. Rêya aştiyê jî di şikandina tecrîda li Îmraliyê de ye.”
Parlamentera DEM Partiyê Adalet Kaya banga beşdariya meşa 1’ê Îlonê ya li Amedê kir û got: “Ji bo rakirina tecrîdê û çareseriya pirsgirêka kurd bila gavên pêwîst bên avêtin.”
Dayikên Aştiyê ji bo aştiye bi rûmet were pêkanîn têkoşînek bênavber didin û diyar kirin ku şer li her qadê bandorê dike û gotin tenê Abdullah Ocalan dikare aştiyê pêk bîne.