Endama YJA STAR’ê Bîşeng Hezer di 3’yê gulana 2021’an de li başûre Kurdistanê jiyana xwe ji dest da û ev 3 sal in cenazeyê wê nayê dayin. Dayika Hezer, Ayşe Hezer xwest cenazeyê keça wê bê dayin û ji bo vê alîkarî ji rêxistinên hiqûqî û parastvanên mafên mirovan kir.
Li Osmaniyeyê 5 kes bi hinceta di dawetê de li ber muzîka kurdî govend gerandine hatibûn binçavkirin. Ji kesên hatin binçavkirin, Hîvda Kahraman hat girtin.
Rojnamevan Derya Ren a ku berdana wê hat taloqkirin ji girtîgehê derket. Ren li ber girtîgehê bi girseyî hate pêşwazîkirin.
Komên paramîlîter ên girêdayî dewleta tirk li Efrînê îşkence li 2 zarokan kir û welatiyek revandin.
Dayikên Aştiyê li Qoserê daxuyanî dan û bang li hemû dayikên cîhanê kirin ku daxwaza aştiyê hin bêtir bînin ziman.
Komîsyona Girtîgehan a Şaxa OHD’a Îzmîrê rapora xwe ya têkildarî binpêkirinên li girtîgehên Herêma Egeyê eşkere kir. Di raporê de hat gotin ku tundî, heqaret û muameleya xerab li girtiyan tê kirin û tecrîd li hemû girtîgehan belav bûye.
Ji ber êrişên dewleta tirk ên li dijî Herêma Federe ya Kurdistanê, 184 malbatan ji neçariya xwe koç kirin. Dewleta tirk li herêmê 9 baregehên leşkerî yên nû ava kir.
Wezareta Parastinê bersiv da pêşnûmeya têkildarî xizmeta bi zimanê kurdî û bi çar xalên ewil ên di Destûra Bingehîn de ku dibêje “Dewleta Tirkiyeyê bi welat û miletê xwe yekpar e nabe ku bê dabeşkirin. Zimanê wê tirkî ye.” bersiv da.
Hat zanîn ku siyasetmerê kurd ê girtî Reza Resaî yê bi hinceta beşdarî çalakiyên protestokirina Jîna Emînî bûye û di kanûna 2023’yan de cezayê darvekirinê lê hatibû birîn, hat bidarvekirin.
Yaman Akdenîz û Kerem Altiparmak, ji bo betalkirina biryara BTK’ê ya li ser Instagramê bi hinceta “Li dijî qanûna bingehîn e” serî li 13’emîn Dadgeha Îdareyê ya Enqereyê dan.
Meclisa ÎSÎG’ê rapora cînayetên kar a meha tîrmehê eşkere kir û di raporê de hat diyarkirin ku 144 karker mirin e.
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan re ku 41 meh in tu agahî jê nayên girtin, serlêdan kir.
Li gorî anketa dawî ya Lêkolîna Metrepollê, rêjeya dengê AKP’ê daket ji sedî 26,1’ê.
Encûmena Bilind a Dadgeha Iraqê biryar da ku Tevgera Azadî ya Civaka Kurdistanê (Tevgera Azadî) û PADÊ jî di nav de, 3 partiyên siyasî werin girtin.