Parêzerê Buroya Hiqûqê ya Sedsalê Rezan Sarica diyar kir ku rapora Komîteya li Dijî Îşkenceyê ya NY’ê di rapora xwe ya têkildarî dewleta tirk de nîşan daye ku CPT li gorî standartên navneteweyî tevnegeriyaye û wiha got: “Tişta ku em li bendê bûn CPT bibêje, NY’ê got.”
Welatiyên Wanî yên bertek nîşanî êrişên ser Herêma Federe ya Kurdistanê dane, diyar kirin ku PDK axa Kurdistanê peşkeş dike.
Xwendekarên dibistana amadehî yê li Wanê nivîsên bi kurdî bi boyaxê reşkirî û nivîsa “Tirkiye tirk e, dê tirk bimîne” nivîsandî, diyar kir ku beriya êrişê bike “fikra” polîsê TEM’ê û parêzar jê pirsî ye.
Li navçeya Sandikliyê otobusekî û komyonek li hev qelibîn. Di qezayê de kesek mir 38 kes jî birîndar bûn.
5 Madeyên qanûnê yên rê li ber kûştina kûçikên li kolanan vedike, bi dengên AKP’î û MHP’iyan li Meclisê hate qebûlkirin.
Hevserokê DBP’ê yê Êlihê Resûl Çetîn ê bertek nîşanî hevkariya PDK’ê ya bi êrişên dewleta tirk ên li dijî Herêma Kurdistanê re da û wiha got: “Divê gelê Başûr înîsiyatîf bigire û berteka xwe nîşan bide. PDK ji bo gelê kurd tenê kujerê xwişk û bira ye.”
Projeya otopark û eywana dawetê ku Şaredariya Şirnexê ya AKP’î 2 salan propagandaya wê kir, di nivî de hate hiştin û bêyî were temamkirin hate bidawîkirin.
Komeke nasnameya wan nediyar li Amedê di bin parastina polîsan de nivîsên “Hêdî” û “Pêşî Peya” yên bi kurdî yên li ser rêyan bi boyaxê reş kirin.
Hejmara 241’emîn a Rojnameya Xwebûnê bi manşeta “Çeteyên hevpar” derket. Di vê hejmarê de rojnameyê bal kişand ser komên paramîlîter ên ji bo şerê li dijî PKK’ê birine ser sînor.
Di qezaya li Êlihê de 2 jê zarok 4 kesan jiyana xwe ji dest dan.
Hevseroka Giştî ya DEM Partiyê Tulay Hatîmogûllari ya serdana Şaredariya Êlihê kir, ligel welatiyan bi dahol û zirneyê re govend gerand û binçavkirin û girtin şermezar kirin.
Li Riha, Amed û Antalyayê girtina kesên ji ber gerandina govendê ya li ber stranên kurdî bi gerandina govendê hate protestokirin. Hevserokê DEM Partiyê Bekîr Karakeçîlî wiha got: “Gerandina govendê ne sûc e lê her hewldana li dijî vê yekê sûc û nijadperestî ye.”
Hevseroka Giştî ya DEM Partiyê Tulay Hatîmogûllari ku di çarçoveya kampanyaya “Nan û Edaletê” de li Êlihê bi kedkaran re hate bahev wiha got: “Bêkarî, xizanî, birçîbûn û bihabûna jiyanê ewqasî kûr bûye ku gotin têrê nake ku bêjin kêr gihişte hestî. Niha kêr hestî derbas kiriye.”
Hevseroka Giştî ya DEM Partiyê Tulay Hatîmogûllari çû serdana Fîlîz Taşkesen ku bi hinceta “Govenda kurdî” 3 zarokên wê hatine girtin û cezayê hefsa malê li wê jî hate birîn.