Înîsiyatîfa Hunerê ya ji bo Azadiyê, têkildarî binçavkirinên li gel gotina stranên kurdî tên kirin daxuyaniya “Mirovan rehet berdin. Bila bi serbestî stranên xwe bêjin û bireqisin” da.
Şaredariya Farqînê têkildarî nûçeyên dibêjin “kûçikên kolanan kom dikin” daxuyanî da û got: “Kûçik tên xesandin û piştre jî em ber didin cihê wan. Kûçikên nexweş û rewşa wan nebaş jî em tedawî dikin.”
Berdevka DEM Partiyê Ayşegul Dogan bertek nîşanî girtin û binçavkirinên ji ber govend û stranên kurdî da û wiha got: “Gelê kurd dev ji govenda xwe bernade. Lewma divê em bi hev re vê govendê mezin bikin.”
Polîsan di serdagirtina malan a li Wanê de tevî hevserokên DEM Partiyê yên Wanê Veysî Dîlekçî û Gulşen Kûrt, herî kêm 15 kes hatin binçavkirin.
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 41 meh in agahî jê nayên girtin, serlêdan kirin.
Li Erziromê ambulansê û wesayîteke bazirganiyê qeza kirin. Di qezayê de 2 jê xebatkarên tenduristiyê bi giştî 4 kesan jiyana xwe ji dest dan.
Ji kesên bi hinceta stran û govendên kurdî hatine girtin pirsên “Kî mudaxileyî govendê dike?” û “Piştî hilbijartinê çima ev qas vîdeo tên parvekirin?” hatin kirin. Parêzer Ferat Bogatekîn banga “bikevin nava liv û tevgerê” li rêxistinên hiqûqê kir.
Dadgeha Cezayên Giştî ya Liceyê di dosyaya ji ber “îşkenceyê” biryara bêrayetiyê lê hatibû vegerandin de li 5 polîsan 8 sal cezayê hefsê birî. Dadgehê ceza ji ber sûcê “Bêparhiştina şexs a ji azadiya xwe” da û di hinceta biryarê de ceza spart “îşkenceyê.”
Filîz Taşkesen a ku 3 keçên wê ji ber gerandina govendê hatin girtin û ew bi xwe jî bi hefsa malê hate cezakirin, wiha got: “Aramiya me xera kirin. Bi milyonan kes govendê digerînin. Ma hemû dibin terorîst.”
Di encama serdegirtinên malan ên li Wanê de Hevserokên DEM Partiyê yên Wanê Veysî Dîlekçî û Gulşen Kurt jî di nav de gelek kes hatin binçavkirin.
Pêşniyarqanûna ku rê li ber kuştina kûçikan vedike bi dengên AKP-MHP’ê bû qanûn.
Girseya ku di nobeta qeyûm a li Şîşhaneyê de govend gerand, êrişên li dijî çand û zimanê kurdî şermezar kir.
B.S. yê di keyfxweşiya leşkeriyê de strana kurdî got û govend gerand li Aydinê hate girtin.
Stranbêjên herêmî yên li dawetê stranên kurdî gotin bi sûcdariya “propagandaya rêxistinê” hatin girtin.