Dadgeha Îdare ya 2'yan a Amedê, ji bo parselên li semta Seyrantepeyê ku plana wan a îmarê hatine guherandin û dewrî Midûriyeta Polîsan a Bajêr hatine kirin, biryara "rawestandina rêvebirinê" da.
Hevserokê DEM Partiyê yê Edeneyê Seyfettîn Aydemîr di çalakiyê de got: "Mafê tu kesî nîne îradeya demokratîk a gelan desteser bike" û bang li desthilatdariya faşîst kir ku rêzê li vîna gel bigire.
Meşa “Rêzgirtina li Vînê” gihişt Geliyê Zapê. Meşvanan li vir tevî germa zêde jî meşa xwe berdewam kirin û bi dirûşme û stranên xwe biryarbûyîna xwe nîşan dan.
Rêxistina DEM Partî ya Şirnexê li dijî tayinkirina qeyûm a li ser şeredariya Colemêrgê bi dirûşmeyên "Bijî berxwedana Colemêrg" meşiyan.
Bi pêşengiya MKG û DFG, li Amed û Stenbolê der barê cezayê girtîgehê yê li 8 rojnamegeran hatiye birîn daxuyanî hatin dayîn. Di daxuyaniya li Amedê de wiha hat gotin: "Em ê heqîqetê her tim bidim bihistin. Em ê bi hev re têbikoşin.”
Li bajaroka Dêrgûlê zaroka ji ber germa zêde kete avê xeniqî.
Di daxuyaniyên ku bal kişandin ser rewşa girtiyên nexweş de bang hate kirin ku Emrah Nebîoglû û Serdal Yildirim ê ji sedî 98 astengdar bên berdan.
Serokwekîlê Koma DEM Partiyê Sirri Sureyya Onder tev li çalakiya mexdûrên edhejê bû û anî ziman ku divê berpirsyar pêşberî edaletê hesabê bidin.
ÎHD’ê û xizmên windayan faîlên Îkram Mihyaz û feysel Aslan ê di sala 1994’an de hatine revandin pirsîn.
Konseya Bajêr a Amedê ya di dema qeyûm de nehate xebitandin, ji bo 29’emîn Civîna xwe ya Asayî civiya û Lijneya xwe ya Rêveberiyê û hevserokên xwe hilbijart.
Li herêma Girêşiyê ya bajarokê Sêgirkê yê navçeya Qilebanê şewat derket.
Dayikên Şemiyê aqûbetên Edîp Aksoy û Orhan Cîngoz ên 29 sal berî niha hatine windakirin pirsin û destnîşan kirin ku ew ê ji bo windayan têkoşîna xwe bidomînin.
Hevserokê Giştî DBP’ê Keskîn Bayindir di “Meşa Rêzgirtina li Îradeyê” de anî ziman ku meş li dijî dagirkirina Kurdistanê ye û wiha got: “Berxwedana me dê heya feraseta Erdogan û Bahçelî têk dibe bidome.”
Pzr. Resûl Temûr têkildarî cezadayîna 8 rojnamegeran anî ziman ku tu delîlên ku gotinên şahidê veşartî piştrast bikin nîn in û destnîşan kir ku dadgeh di çarçoveya hiqûqî de biryar nedaye, karê ji wê hatiye xwestin pêk aniye.