Parlamenterê DEM Partiyê Kamûran Tanhan diyar kir ku hewldan heye ku lêpirsîna Narîn Guran veguherînin bûyereke magazînel û wiha got: “Em ê derheqê kesên nepeniya lêpirsînê binpêkirin de serlêdana sûc bikin.”
Ji endamên koma Demîr Lebleblî Yasemîn Demîr ku di dema çalakiyên ji bo Narîn Guranê de hat binçavkirin, got: "Dîmenên hevalên me yên kincên wan ji wan hat kirin, bi telefonên şexsî yên polîsên mêr hatin kişandin. Dîmenên der barê tundiya polîsan de jî bi darê zorê hatin jêbirin."
Şevê din li navenda Mûşê şewat derket û bi mudaxileya komên şaredariyê şewat hate vemirandin.
Hevserokê Giştî yê ÎHD'ê Huseyîn Kuçukbalaban ku tecrîda li Îmraliyê nirxand, îşaret bi hewldanên çareseriyê yên Abdullah Ocalan kir û got: "Muxatabê herî watedar ê pirsgirêka sedsalî Ocalan e."
Parêzer Ercan diyar kir ku ya girîng ne ew e ku Komîteya Wezîran a Konseya Ewropayê “Mafê hêviyê” yê Abdullah Ocalan bigire rojeva xwe û wiha got: “Ya girîng, biryara tê dayin e. Gavavêtina li gorî biryara DMME’yê dê bandoreke erênî li têkoşîna demokrasî û aştiyê ya Tirkiyeyê bike.”
Hevseroka Meclisa Gel a Wargeha Mexmûrê Filîz Bûdak ku bertek nîşanî êrişên Tirkiyeyê yên li ser Mexmûrê da, got: "Gelê me 30 sal in têdikoşe û li ber xwe dide. Di têkoşînê de bi israr e. Çi dibe bila bibe wê berxwedana xwe bidomîne."
Li navçeya Hênê mexdûrên erdhejê yên di prefabrîkan de dimînin, diyar kirin ku ji wan tê xwestin ku ji van malên prefabrîk bên derxistin û gotin: "Cihekî ku em pê de biçin tune ye."
Rojnameger Argeş Şengalî “Mutebeqeta ewlehiyê” ya di navbera Enqere-Bexdayê de hatiye mohrkirin nirxand û wiha got: “Êrişên heyî li ser tevahiya herêmê gefeke mezin e.”
Di lêpirsîna der barê kuştina Narîn Guran de dayika wê Yuksel Guran û kekê wê Enes Guran jî di nav de 8 kes hatin girtin.
Siyasetmedarê kurd Abdulmelîk Okyay ê 71 salî roja ku wê ji girtîgehê bihata berdan, ji ber ku krîzê li dilê wî xist, jiyana xwe ji dest da.
Îfadeyên dozgeriyê yên kesên di lêpirsîna Narîn Guranê de hatibûn binçavkirin temam bûn. Piştî îfadeyê 10 kes hatin berdan û 9 kes jî bi daxwaza girtinê sewqî dadgeriyê hatin kirin.
Di çarçoveya lêpirsîna Narîn Guranê de, di rapora lêkolînê ya biyolojîk ya ATK’a Amedê derxistiye de, hat diyarkirin ku ji ber cesedê narîn Guranê di bin avê de maye, daneyeke aydê kesê sêyemîn nehatiye dîtin.
Jina bi navê Çîgdem E. ku 5 meh bû li Konyayê winda bû, li baxçeyê mala wê bi awayekî çalkirî hat dîtin. Der barê bûyerê de 5 kes hatin girtin.
Bi boneya 44’emîn salvegera Darbeya Leşkerî ya 12’ê Îlonê, li gelek bajaran daxuyanî hatin dayin û hat gotin ku rejîma yekperest a 12’ê Îlonê hêj didome.