DFG’ê rapora meha tîrmehê de diyar kir ku 6 rojnameger hatin binçavkirin, rojnamegerek hate girtin, li 9 rojnamegeran bi giştî 51 sal cezayê hefsê hate birîn û ji bo 341 nûçeyan biryara astengkirinê hatiye dayin.
‘Qanûna komkujiyê’ ya bi dengên AKP û MHP’ê di Meclisê de hatiye erêkirin, di Rojnemeya Fermî de hate weşandin û ket meriyetê.
Ciwanên ji hêla polîsan ve hatine ragirtin û bi kîlometreyan dûrî bajar hatine hiştin, derbarê îşkenceya ku dîtine de axivîn.
Hevşaredarên Êlihê Gulistan Sonuk û ya Navçeya Bajarê Nû ya Amedê Safiye Akdag têkildarî êrişên ser zimanê kurdî axivîn û diyar kirin ku êdî zimanê xizmeta wan dê bi kurdî be. Hevşaredaran gotin ku dê xebatên xwe bi kurdî bikin û bêhtir bi kurdî biaxivin.
Lêçûnên Serokkomariyê yên 6 mehan, li gorî sala par ji sedî 177, lêçûnên Diyanetê jî ji sedî 137 zêde bûn.
Şaxa ÎHD’a Mêrsînê rapora xwe ya têkildarî binpêkirinên li girtîgehên Herêma Behra Spî eşkere kir. Sekreterê komeleyê Bekir Sitki Keçecî wiha got: “Bijîşkên li raporên ji ATK’ê re tên şandin dinêrin, helwestên siyasî nîşan didin û li pêşiya tehliyekirina girtiyên nexweş digirin.”
Nûnerên SODAP û SYKP'ê diyar kirin ku rabûna li ber polîtîkayên şer û polîtîkayên dijberî kurdan ên desthilatê berpirsiyariyeke rêgezî ye û gotin: "Em dikarin bi xurtkirina têkoşîna li dijî êrişan pêşî li êrişan bigirin."
Hevserokê DEM Partiyê yê Şirnexê Abdullah Gungen ji ber ku tevlî çalakî û bernameyên partiya xwe bûye heta niha der heqê wî de bi dehan lêpirsîn hatine vekirin. Gungen diyar kir ku li Şirnexê ji xeynî DEM Partiyê ji her kesî re her tişt serbest e û got ku lê tevî hemû astengiyan jî ew ê dev ji tekoşîna xwe ya rewa bernedin.
Serokê Komîsyona Ziman a Baroya Amedê Mehmet Fîdan got ku jêbirina nivîsên bi kurdî “derqanûntî” ye û wiha got: “Di qanûnan de ji bo xizmeta bi zimanê kurdî tu astengî tune ne.”
Li navçeya Rezanê di navbera du welatiyan de şer derket û kesek birîndar bû.
Li Tirkiyeyê platforma medyaya dijîtal Instagram hate astengkirin.
Nobeta ku Hêzên Ked, Aştî û Demokrasiyê li Qada Şîşhaneyê ya li Beyoglû ya Stenbolê li dijî desteserkirina Şaredariya Colemêrgê di roja 50’î de berdewam kir. Di nobetê de peyama, “Em ê heta dawiyê li ber xwe bidin” hat dayîn.
Di daxuyaniyê li emberî êrişên li ser kurdî de wiha hat gotin: "Hûn nikarin dest bidin zimanê me, çanda me û dîlanên me."
5 kesên bi hinceta govenda kurdî li navçeya Pîranê hatibûn binçavkirin, bi şertê kontrola edlî hatin berdan.