Dayikên Aştiyê bertek nîşanî PDK'ê ku rê li ber êrişên Tirkiyeyê yên li ser Herêma Kurdistanê vedike dan û diyar kirin ku ew naxwazin xwîn birije û şer pêk were û wiha gotin: "Ey Barzanî, şiyar bibe, dema ev kesên tu pê re xiyanetê dikî, dê dayikên ku îro tu xiyanetê lê dikî te rizgar bikin.”
Hunermendên ku Înîsiyatîfa Hunerê ya Ji bo Azadiyê ragihandin diyar kirin ku li qadek ku kes lê ne azad be wê huner jî ne azad be û gotin: “Em her hunermendan dixwazin li dijî zilmê, zordestiyê û şer dengê xwe derxin û vedixwînin ku di nav vê hewldanê de cih bigirin.”
Parêzera rojnamevan Sadik Topaloglû, Ayşe Acînîklî diyar kir ku biryara derbarê miwekîlê wê de hatiye dayîn nehiqûqî ye û got: “Bi rêya medyayê operasyon hat kirin.”
Hevserokê DEM Partiyê yê Stenbolê Mûrat Kalmaz hevkariya PDK’ê ya bi dewleta tirk re rexne kir û got: “Helwesta PDK’ê ya di van êrişên dagirkeriyê de eşkere û zelal e. Helwestek xiyanetkar û hevkariyê ye.”
Rewşenbîran polîtîkayên şer ên Tirkiyeyê nirxandin û diyar kirin ku pirsgirêka kurd bi şer çareser nabe û ji bo aştiyê jî divê têkoşînek bênavber bê kirin.
Li gelek bajaran êrişên Tirkiyeyê yên bi hevkariya PDK’ê li dijî başûrê Kurdistanê tên kirin, hat protestokirin. Di çalakiyan de peyama, “Bimire xiyanet, bijî berxwedan” hat dayîn.
Rêxistinên ciwanan ji bo 33 qurbaniyên Komkujiya Pirsûsê xeleka ji mirovan pêk tê çêkirin û gotin wê tu xeyal nîvco nemînin.
Hevserokê DEM Partiyê Tuncer Bakirhan di mitînga çandiniyê de axivî û wiha got: "Desthilatdarî û DEDAŞ zilm û zordestiyê li cotkar û xelkê me dike. Divê em li dijî zilma DEDAŞ'ê û şerê desthilatdariyê wek Kawayê Hesinkar li ber xwe bidin û têbikoşin. Çimkî êdî xelk ji destê vê desthilatdariyê nikare debara xwe bike. Edalet û azadî tune ye."
Hanna Aykurt ê li Dêra Ortodoksê ya a Stenbolê wezîfedar e dema li Mêrdînê banê mala xwe tamîr dikir ket xwarê û jiyana xwe ji dest da.
Hevserokê Giştî yê DEM Partiyê Tuncer Bakirhan serdana herêma şewatê kir û got: “Tiştên ku li gund qewimîn komkujiyek DEDAŞ’ê ye.”
Li Hevserokê Giştî yê HDP’ê yê berê Selahattîn Demîrtaş bi hinceta axaftinên wî yên bere 2 sal û 6 meh cezayê hepse hat birîn.
Di doza Malbata Şenyaşar de hat xwestin ku li walî û midûrê polîsan ê wê demê û Wezîrê Çandiniyê yê bere Ahmet Eşref Fakibaba were guhdarîkirin, lê daxwaz hat redkirin.
Hevseroka Giştî ya DBP’ê Çîgdem Kiliçgun Ûçar a li navçeya Xinûsê bertek nîşanî êrişên li dijî Herêma Kurdistanê da, wiha got: “Em destûrê nedin vî şerî.”
DEM Partiyê diyar kir ku ji ber daneyên TUÎK’ê bi milyonan mirov hatine mexdûrkirin û derbarê rêveberên saziyê de serî li dozgeriyê da û giliyê wan kir.