Cîgira Seroka Koma HDP’ê Meral Daniş Beştaş destnîşan kir ku pirsgirêka kurd bi oprasyonên dersînorî wê neyê çareserkirin û got: “Çareserî di hundirê Tirkiyeyê de ye, ne li dersînor e, di siyaseta Tirkiyeyê de ye.”
Siyasetmedaran destnîşan kirin ku dê operasyonên TSK'ê yên li Metîna, Avaşîn û Zapê ji bo çareserkirina pirsgirêka kurd bi kêr neyên û gotin: "Çareserî, pêşvebirina diyalogeke demokratîk û hevdîtina bi muxatabên pirsgirêkê re ye."
Hevserokê Giştî yê HDP’ê Mîthat Sancar, karkerên kaxizên avêtinê ziyaret kir û guhdarî pirsgirêkên wan kir. Sancar di serdana xwe de, bal kişand ser rewşa karkeran û wiha got: “Tekane rê, di têkoşîn û berxwedanê re derbas dibe. Ji bilî vê tu reyek din tuneye. Divê pergala zilmê bê guhertin.”
Parlamenterê HDP’ê Mûrat Sarisaç destnîşan kir îqtidarê bajarê Wanê veguherandiye bajarê polîsan û ew ê tevî hemû zextên îqtidarê jî li kuçe û meydanan têkoşîna xwe bidomînin û bigihînin serkeftinê.
Berdevka HDP'ê Ebrû Gunay, diyar kir ku di çareserkirina demokratîk a pirsgirêka Kurd de Ocalan aktoreke polîtîk ê bingehîne û wiha got: "Divê Ocalan bêguhdarkirin. Heya ku pirsgirêka Kurd çareser nebe, Tirkiye nikare nefesê bigire."
Hevserokê Giştî yê EMEP’ê Ercument Akdenîz, diyar kir ku bi Doza Kobanê hewl didin çavên hemû mûxalefetê bitirsînin û wiha got: “Doza karkerê ku greva wî tê qedexekirin, karkerê madenê ye ku jiyana xwe ji dest dide û Doza Kobanê ji hev serbixwe nînin.”
Hevseroka Giştî ya HDP’ê Pervîn Bûldan, diyar kir ku di Doza Kobanê de hikm berê hatiye dayîn û ev tişt got: “Dozeke wekaletê ya girtina tolhildana Kobanê ya neketî ye.”
Parlementerê CHP’ê Sezgîn Tanrikûlû ji bo Doza Kobanê ya ku weke şande tevlî dibin wiha got: “Ev doz dozeke ku desthilatê ji ber fikarên xwe yên siyasî vekiriye. Çarenûsa vê dozê wê siyaset diyar bike.”
Endamê Meclîsa HDP’ê hiqûqzan Dogan Erbaş diyar kir ku ji bo Kobanê neket di dilê îqtidarê de wek birînekê maye û got: “Doza Kobanê hesabpirsîna vê birînê ye.”
Berdevka HDP'ê Ebrû Gunay destnîşan kir ku divê êdî dengê girtiyan ku olan dide were bihîstin û got: "Dawî li van polîtîkayên xwe yên tecrîdê bînin. Rojek berî rojekê werin ser rêya heqîqetê. Tecrîda li ser birêz Ocalan rakin û pergala Îmraliyê êdî bi dawî bikin."
Wezareta Veguhastin û Binesaziyê, di bersiva da pêşniyazpirsa Hasan Ozguneş ê HDP’iyê de, wiha got: “Ji ber ku zimanê fermî Tirkiye, wê di balafiran de, zimanê Kurdî bi kar neyînin.” Ozguneş, bertek nîşanî vê yekê da û got, ev nêzîkatiyek înkarê ye.
Hevserokê Giştî yê HDP’ê Mîthat Sancar destnîşan kir ku Doza Kobanê dozek bi fen û fût e û got: “Dixwazin bi van dozan mafê siyaseta demokratîk a HDP’ê û pêşiya îdiaya gelê kurd a di siyasetê de bibe kirde bigirin.”
Wekîla HDP’ê Remziye Tosûn, rewşa 26 jinên di operasyona hemwext a 5’ê Nîsanê de hatibûn binçavkirin û rastî mûameleya xirab hatibûn bir rojeva Meclîsê û pirs ji Wêzîrê Karên Hûndir Suleyman Soylû kir.
Hevserokên Giştî yên HDP'ê Pervîn Bûldan û Mîthat Sancar, diyar kirin ku berxwedana çalakiya greva birçîbûnê ya li dijî tecrîda Îmraliyê hatiye destpêkirin, dewam dike û gotin: "Daxwazên girtiyan zelal in. Ger hiqûq bê bicihanîn wê daxwazên girtiyan bên pêşwazîkirin. Ji ber ku Tirkiye qanûnên xwe bi cih nayîne, pirsgirêk mezin dibin."
Serokwekîla Koma HDP’ê Meral Daniş Beştaş, diyar kir ku qeyûmê Sêrtê di nav salekê de li dijî karkeran mobîngê pêk tîne û mûçeyên hin kesan 3 qat zêde kirine û daxwaza lêkolîna van pêkanînan kir.